Primeiru-ministru timoroan, Mari
Alkatiri, garanti ona iha loron-kinta ne'e katak Estadu iha kondisaun sira,
maski hosi rejimi duodésimu, hodi selu eleisaun antesipadu, kalkula katak
prosesu eleitoral sei la to'o folin dolar millaun lima.
"Ba eleisaun sira tinan
liubá [prezidensial ho lejislativu], previstu dolar millaun sanulu, agora iha
de'it ida no ha'u hanoin katak metade hosi folin ne'e hanesan sufisiente",
nia hatete ba jornalista sira iha Palásiu Prezidensial iha Díli.
Mari Alkatiri ko'alia ba
jornalista sira hafoin reuniaun semanal ho Prezidente Repúblika ne'ebé tema
dominante ida maka preparasaun ba eleisaun antesipadu sira, ne'ebé xefe Estadu,
Francisco Guterres Lu-Olo, seidauk marka loron ida.
"Ami ko'alia kona-ba eleisaun
ne'ebé Prezidente sei marka. Sei ko'alia ho CNE (Komisaun Nasional Eleisaun
nian), ho STAE (Sekretariadu Tékniku hosi Administrasaun Eleitoral) hodi hafoin
ne'e maka sei desidi. Ha'u hatete katak lalika preokupa maka'as ho osan ba votu
tanba Governu garanti katak sei disponível", nia esplika.
Hatán kona-ba kalendáriu
eleitoral, Alkatiri rekorda katak regulamentu sira kona-ba eleisaun sira ba
Parlamentu Nasional - aprove hosi Governu anterior ba eleisaun loron 22 Jullu
2017 no ne'ebé sei hala'o hela - determina kalendáriu eleitoral ida hosi loron
80.
Iha loron-kinta ne'e mós
Francisco Guterres Lu-Olo hasoru malu ho ekipa sira hosi CNE ho STAE karik
hafoin ne'e maka sei konvoka reuniaun ho partidu polítiku sira - fonte hosi
Prezidénsia hatete ona ba Lusa katak ne'e bele akontese iha loron-tersa hosi
semana oinmai.
Previzaun katak Lu-Olo bele
anunsia loron eleisaun nian iha semana oinmai nia rohan.
Bainhira tuir duni kalendáriu
ne'ebé aplika iha tinan 2017, eleisaun antesipadu sira bele akontese de'it iha
inísiu fulan-Maiu, liutiha loron 80 hafoin nia konvokatóriu.
Prosesu hahú ho prazu ba
aprezentasaun hosi koligasaun sira pré-eleitoral nian no, iha tempu hanesan,
kandidatura partidáriu sira no nia verifikasaun hosi Tribunal Rekursu, antes
sorteiu ba boletim votu nian.
Faze tuirmai maka konstituisaun
hosi sentru sira votasaun nian no estasaun sira votu nian, ne'ebé taka ona
fulan ida antes votu, ho kampaña eleitoral dura loron 30 ne'ebé iha loron rua
reflesaun nian antes asaun eleitoral.
Rezultadu sira sei konta iha
loron tolu tuirmai, sei iha prazu adisional ida ba nia verifikasaun hosi
Tribunal Rekursu.
Hafoin avansa prosesu tomada pose
ba deputadu na'in 65 foun ne'ebé eleitu - ne'ebé sei apoia ezekutivu tuirmai -,
Governu konstitusional daualuk ne'ebé sei simu mós pose, hafoin ne'e hatama nia
programa ho Orsamentu Jeral Estadu ba tinan 2018 ba Parlamentu.
To'o aprovasaun ba dokumentu ne'e
- karik iha de'it metade daruak tinan nian -, Timor-Leste sei kontinua moris ho
rejimi duodésimu ne'ebé aplika iha nasaun hahú loron 01 Janeiru.
SAPO TL ho Lusa
Sem comentários:
Enviar um comentário