Abertura Kampania Fretilin Iha Manatuto

DILI – Partidu Fretilin sei halo ninia abertura kampania iha Munisipiu Manututo, no sei ensera iha Munisipu Dili.

Membru CCF I Mandatariu, Roberto Miranda Jeronimo hateten, abertura kampania Fretilin nian dia 10 Abril Iha Munisipiu Manatuto, husi neeba ba fali sentru, depois ba Leste, Leste hotu tiha ba Weste, hafoin nee Oecusse no ensera iha Munisipiu Dili.

Ami nian Manatuto los tiha ona, agora enseramentu iha Dili nee maka agora ami sei diskute hela, tanba partidu haat maka eskoila hotu hakarak enseramentu nee iha tasi tolu, neebe ami diskute hela, depois ami tenke halo konkordansia ba malu ,” dehan Roberto ba STL, iha CNE, Dili, Kuarta (05/04/2018).

Tanba nee Roberto dehan, balu tenke rende labele partidu haat ba halo enseramentu iha tasi tolu, depois militante sira soke malu hodi kria problema, maibe kada tinan lima kampania Parlamentar partidu Fretilin nian sempre ensera iha Tasi Tolu.

Iha fatin hanesan Xefi bankada CNRT deputadu Arao Noe hateten, iha tasi tolu tanba partidu haat maka hili fatin nee dala ida iha oras hanesan, tanba nee maka sei aserta fali partidu haat nee ida neebe maka uluk no ida neebe maka atu ikus, depois balu aserta para muda fali fatin. 

Notisia kompletu lee iha jornal STL edisaun Sesta, (06/04/2018)

Carme Ximenes/Maria Lay | Suara Timor Lorosae