DILI - Relasiona ho
relatoriu ba projeitu ZEESM neebe Tribunal de kontas halo auditoria hotu ona,
Tribunal seidauk halo publikasaun ba relatoriu nee tuir lee neebe iha.
Tuir Prezidente Tribunal Rekursu,
Deolindo Dos Santos katak, auditoria nee planu Tribunal nian neebe ke aprovadu
husi plenariu Kamra de kontas Tribunal Rekursu nian.
“Iha relatoriu neebe aprovadu iha
10 Agusto 2018, foin semana ida liu ba nee, notifika ona ba entidade sira neebe
hetan audit ba prosesu ida nee. Remete mos ba entidade sira neebe, lei haruka
atu haruka ba sira, dehan Deolindo ba Jornalista sira iha Tribunal Rekursu,
Tersa (28/08/2018).
Nia hatutan, relatoriu nee, laos
buat foun ida, iha kazu auditoria nee hanesan mos auditoria sira seluk, neebe
kamra de kontas aprova tiha ona iha tinan hirak liu ba.
Hatan konaba husi relatoriu
projeitu ZEESM nee, detekta iha irregularidade ruma ka lae, nia parte hatan nia
mos parte husi kolektivu neebe aprova relatoriu nee, tanba nee labele fo nia
komentariu konaba nee.
Iha fatin ketak, Direktor
Ezekutivu Programa Monitorizasaun ba Sistema Judisiariu (JSMP) Luis De Olivera
Sampaio hateten, ralatoriu neebe medai sosial sira fo sai liu husi facebook,
laos fontes ofisial.
Notisia kompletu lee iha jornal
STL edisaun Kuarta (29082018)
Terezinha De Deus | Suara Timor
Lorosae
Sem comentários:
Enviar um comentário