Australia atua ho forma
sensuravel tanba espia Timor-Leste bainhira iha negosiasaun ba tratadu Tasi
Timor, no tanba "fraude" ne'e, tenki selu fali nasaun ne'e ba reseita
sira petroleu no gás sira ne'ebé maka sira lakon, defende iha loron-kuarta ne'e
hosi senador australianu ida.
"Ha'u konsidera katak, iha
tinan 2004, Australia atua salah. Responsavel australianu sira bosok
Timor-Leste konabá petroleu no gás. No fraude ne'e sobu buat hotu. Tuir lolos
ita tenki fila fali ba pozisaun ida ne'ebé mak la iha parte ida ne'ebé maka
prejudikadu ho fraude ne'e".
"La komprende tanba sá ita
espia ema ida ne'ebé maka ita kaer liman no hatete katak ita sei negoseia ho
boa fé. Ida ne'e ilegal no inkonsebivel halo ida ne'e. Australia la atua ho boa
fé", hatete.
Rex Patrik ne'ebé maka koalia ba
Lusa iha Dili, iha vizita parlamentar australiana nian ida ba Timor-Leste -
dahuluk nian dezde tinan 2011 - refere ba polémika ba mane na'in rua ne'ebé
maka agora daudaun ne'e julgadu hela iha tribunal ida iha Cambera.
Eis-ajente ida hosi Servisu
Sekretu Australianu ne'ebé, koñesidu de'it hanesan "Sasin K" (ninian
identidade nunka fó sai ba publiku) no nia advogadu, Bernard Collaery, akuzadu
tanba halo konspirasaun hosi austoridade sira iha Cambera.
Akuzadu sira ne'ebé maka ba fali
ona tribunal iha loron-kinta ne'e, sei hetan kastigu másimu tinan rua iha
prizaun se karik konsidera sira hanesan kulpadu. Governu defende katak tanba
konteudu kazu ne'e nian ne'ebé maka halao iha tribunal tenki "taka",
buat ida ne'ebé maka protesta hosi defeza no kritiku sira ho desizaun hodi
akuza mane na'in rua ne'e.
Iha kauza maka kesar ida ne'ebé
hato'o hosi parte "Sasin K" ne'ebé fó sai kona-ba eskema eskuta
ne'ebé maka monta iha tinan 2004 hosi serbisu sekretu australianu sira iha
eskritóriu sira hosi Governu timoroan nian iha Díli.
Tuir relatu sira, hosi eskuta
sira ne'e, Governu australianu hetan informasaun ne'ebé permite ajuda hodi
favorese intensaun australiana sira nian iha negosiasaun ho Timor-Leste ba
fronteira tasi no ba kontrolu zona Greater Sunrise nian, rezerva ida ne'ebé
riku ho petróleo no gás.
Kazu ne'e hatauk hela ba saida
maka konsegue iha negosiasaun entre Timor-Leste no Australia - ne'ebé hahú
hafoin Dili rekore ba Komisaun Konsiliasaun obrigatoriu ida ba abrigu Lei Tasi
nian - no ne'ebé maka lori ba tratadu ida ne'ebé maka delimita definitivamente
fronteira maritima sira.
Rex Patrik felisita ba tratadu
foun, no konsidera katak ne'e hanesan negosiasaun ho boa fé, no defende katak
tenki ratifika, maibé admite katak nia la konkorda ho klaúzula dokumentu nian
ne'ebé maka determina katal sei la iha kompensansaun ida.
"Buat barak akontese iha
negosiasaun sira ne'e no ha'u hanoin katak too ona iha solusaun ida ne'ebé
ekilibrada. Maibé hau surpreendidu tanba Timor-Leste konkorda hodi la halo
pedidu kompensasaun nian ida iha futuru", hatete.
"Ha'u lakoi sujere ba
Australia ka Timor-Leste hodi labele ratifika tratadu ne'e, ha'u so
surpreendidu ituan ho la iha posibilidade kompensasaun nian. Ha'u la hatene
oinsá hodi kompensa, se fó fali osan ka, hanoin ba futuru, adota fali programa
ida ne'ebé forte ba asisténsia esterna. Saida maka ha'u hatete mak labele iha
vantajen ida liu hosi fraude ida", hatete.
Tratadu foun, ne'ebé asina iha
fulan Marsu, no ne'ebé maka seidauk ratifikadu, tau fronteira sira iha pozisaun
ne'ebé maka Timor-Leste sempre reklama no implika Australia dezde tinan 2004
hodi simu reseita rekursu sira bs saida mak agora nu'udar tasi timoroan nian.
Konta sira hosi organizasaun
timoroan nian La'o Hamutuk estima katak, tuir abrigu tratadu anterior nian,
ne'ebé maka Rex Patrick hatete katak negosiadu ho má fé ne'e, Australia simu
besik dolares billiaun lima hosi reseita sira timoroan nian.
Organizasaun ne'e mós nota katak,
bainhira too fali ba ratifikasaun tratadu foun ne'e - ne'ebé maka nian prazu
seidauk hatene-, Timor-Leste sei lakon ba kofre sira australianu sira nian ho
montante dolares 5.500 resin por oras, ka besik dolares millaun hat
fulan-fulan, ekivale ba 10% reseita sira ne'ebé maka Canbera sei simu.
Senador australianu ne'e koalia
ba Lusa durante vizita ida loron lima nian ho delegasaun parlamentar
australiana, dahuluk nian ba Timor-Leste dezde tinan 2011.
"Dezde ne'ebá maka ami iha
relasionamentu ne'ebé ladun di'ak no ha'u hanoin katak agora hotu-hotu
konsidera katak tratadu (fronteira maritima) neé asinadu iha altura ne'ebá hodi
avansa ba faze foun ida ho interasaun bilateral boot", hatete.
"Ami agora iha pozisaun ida
hodi bele konstroi no serbisu hanesan belun", subliña.
SAPO TL ho Lusa
Sem comentários:
Enviar um comentário