Vizita Vatikanu, Arao Noe: Desizaun Iha Plenaria

DILI - Prezidente Republika Francisco Guterres Lu Olo, sei halo vizita ba Vatikanu hodi hasoru malu ho amu papa Francisco, maibe desizaun Xefi Estadu para desloka ba neeba iha plenaria nia laran.

PPN Arao Noe hatete, Konaba kestaun Prezidente da Republika Francisco Guterres Lu Olo atu ba halo vizita ba Vatikanu ida nee ohin kolia ho Xefi Estadu, maibe desizaun iha plenaria nia laran, tanba hanesan Prezidente Parlamentu Nasional hatene deit lidera, organiza no ajenda.

“Hau PPN hatene deit lidera, organiza, no ajenda, maibe desizaun hotu hotu iha plenaria,” dehan PPN Arao ba jornalista sira hafoin remata enkontru ho PR Francisco Guterres Lu Olo, iha Palasiu Prezidente Nicolau Lobato, Dili, Tersa (30/10/2018).

Portante responde konaba karik Parlamentu Nasional vota kontra viajen Prezidente da Republika nian ba Vatikanu, PPN Arao Noe hatete, Ida nee nia lakoi kolia tama to iha neeba, tanba ida nee laos ninia kompetensia, maibe kompetensia iha lider bankada.

Portantu Nunsiu Apostolik mai promote katak hodi pedidu husi Prezidente da Republika nian, I amu papa konkorda fiksa katak dia 23  Novembru atu enkontru, ida nee mak  preokupasaun mak informasaun husi Prezidente da Republika, maibe ba desizaun hanesan Prezidente Parlamentu Nasional nee organiza no modera, desizaun hotu hotu iha plenaria. 

Notisia kompletu lee iha jornal STL edisaun Kuarta (31/10/2018).

Carme Ximenes | Suara Timor Lorosae