FETO PARTISIPA IHA VIDA POLITIKA 30%

Primeira Dama Timor Leste (PDTL), Isabel Ferreira hatete partisipasaun feto iha vida politika foin atinji 30% liu liu liga ba okupa pozisaun hanesan lider.

“Konaba pozisaun sira ne’e mak ita atu okupa, se karik ita serka ho politika ida agora dehan partisipasaun feto nian fo fatin trinta porsentu ne’e ba ha’u diskriminasaun,”hateten Primeira Dama Isabel Ferreira bainhira partisipa iha konferensia Jeneru Polisia ba daruak, ne’ebe mak realiza iha Akademia Polisia, Comoro, Kinta (18/06).

Espouza Prezidente Republika, Taur Matan Ruak ne’e dehan, presiza fo oportunidade ba mane ho feto hanesan.

“Ida ne’e mak ita intrepreta ida diak partisiapsaun feto nian, Ba Timor Leste ita haree ida ne’e pozitivu tebes tanba partisipasaun feto nian vale iha area hotu-hotu,” Primera Dama subliña.

Nia hatutan, koalia ba politika iha kedas Parlamentu Nasional , Governu , Tribunais, servisu iha orgaun sobernu sira kuaze feto nia partsisiapasaun makas, nune’e mos iha Forsa Armadas no Polisia ida ne’e hatudu parte pozitivu partisiapsaun feto nian iha dezenvolvimentu pais nian.

Nune’e mos iha mos setor privadu, nia haree, Timor oan partisipa maibe la barak. Entaun ida ne’e presiza aumenta tan ba oin.

Nia dehan, konstituisaun hanesan baze ida hodi orienta hodi alkansa objektivu hotu hotu ne’ebe maka Timor oan hakarak ba rai doben Timor Leste.

“Tuir Katolika, Biblia maka hanesan baze fiar Katoliku. Iha konstituisaun artigu 6 koalia konaba objektivu Estadu saida maka Estadu Timor Leste hakarak hetan, tanba artigu 6 iha pontu ida mos koalia konaba oportunidade partisipasaun feto ho mane,”nia esplika.

Inan nasaun ne’e mos husu Timor oan presiza kompriende dever no dereitu iha nasaun ida ne’e. “Iha ita nia rain, dever no dereitu ne’e validu ba iha mundo tomak. Hanesan baziku orienta ita nia pensamentu, hahalok, sidadaun ida responsavel, sidadaun ida kontribui, ba dezenvolvimentu nasaun,”dehan nia.

“Mas azvezes responsabilidade mak la hanesan, balun responsabilidade bo’ot, balun responsabilidade la to’o, ida ne’e normal. Dala barak ita laharee deferensia sira ne’e ho didiak ita dehan laiha opurtunidade, dala barak opurtunidade fo mai ita, maibe ita la aporveita opurtunidade ne’e ho didiak,”nia dehan.eus

Jornal Nacional