HORTA ENTREGA RELATORIU PAZ MUNDU BA SEKJEN ONU

DILI - Xefi Painel ba Paz iha Nasoens Unidas, Jose Ramos Horta entrega ona relatoriu paz iha mundu, ba Sekertariu Jeral ONU, atu oinsa hadia sistema forsa da paz ONU nian, para bele resolve diak liu tan problema iha mundu.

Tuir Horta katak nia misaun iha Nasaun Unidas hahu Outubru maka remata, iha ONU nia hanesan Xefi altu nivel, para hare kooperasaun paz iha mundu tomak, halo avaliasaun no rekomendasaun, ba Sekertariu Jeral ONU.

Foin dadauk dia 16 de Juniu, hau entrega rezultadu ba Sekertariu Jeral, pazina 100, rekomendasaun 100 resin, para oinsa hadia sistema forsa da paz ONU nia, para bele rezolve diak liu konflitus iha mundu nee, tamba ohin loron konflitus bara-barak iha mundu hanesan iha Afrika, Congo tinan lima nulu ona la iha solusaun, hanesan Sudan do sul, Sudan rasik, Maling, Libia, Irak, Siria ho Afganistan,” hateten Horta, ba Jornalista sira, iha Aero Portu Nicolao Lobato, Comoro,  Dili, hafoin fia husi Nova Yorke, Kinta (25/06/2015).

Nia hatutan iha mundu nee forsa da paz ONU hamutuk rihun atus ida resin, orsamentu ONU nia aloka ba forsa da paz nee tinan-tinan billaun U$ 9, kritika barak mai husi rai barak katak ONU la dun efikas.

Mesmu nia mandatu remata ona iha momentu entrega relatoriu nee, maibe se Konsellu Siguransa ho Asembleia Jeral bolu, ba foo esklarementu diak liu, nia parte pronto atu ba halo esklaresementu sobre relatoriu nee. Informasaun kompletu iha STL jornal no STL Web, edisaun Sesta (26/6/2015). Joao Anibal

Suara Timor Lorosae