SISTEMA DADUS RAI, TL MODERNU LIU NASAUN CPLP BALUN

Sistema ne’ebé Governu uza atu foti dadus ba rai, liu husi Sekretaria Estadu Terras no Propriedade (SETP) ne’ebé koopera ho Sistema Nacional Cadastrais (SNC) implementa iha TImor-Leste modernu liu nasaun membru Comunidade Paises da Lingua Portuguesa   (CPLP) balun.

Sekretariu Estadu Terras Propridade, Jaime Xavier hatete katak, tama ba loron rua enkontru Ministeriu Justida CPLP nian ne’e, Timor-Leste aprezenta ninia sistema foti dadus ba rai.

“Hare husi ita nia epeserensia ne’ebé mak halo ita esplika ba sira, iha nasaun CPLP iha balun mak hakfodak fali, tanba ita nia sistema modernu liu tiha sira nian iha sistema oinsa halo dadus ba rai ne’e,”informa Jaime Xavier ba jornalista sira iha MNEK, Tersa (23/06).

Nia dehan, iha aprezentasaun ne’ebé hala’o husi teknika kadastru nian ne’e, nasaun membru CPLP balun hato’o pergunta no hakfodak, tanba Timor-Leste nia sistema modernu tebes.

Nia haktuir, ho sistema Timor Leste nian hodi aprezenta kona-ba rikusoin rai nian, liu –liu rai sira iha Timor-Leste presija regula tuir lei atu fó bantajen bo,ot hodi rezolve problema disputa rai entre komunidade no rai Estadu nian.

“Ita diskute klean liu oinsa mak atu hare kona-ba rikusoin iha rai nian ne’e atu regula rai sira tama iha sistema kadestrais nian,”katak Jaime.

Nia esklarese, iha okaziaun ne’e, Timor Leste aprezenta ba Ministru Justisa CPLP sira kona-ba, oinsa mak bele kuinese no hatene sistema servisu Timor Leste nian hodi bele buka apar ho eperensia nasaun amigu CPLP sira nian.

Jaimé Xavier hatutan, tanba rai hanesan problema bo’ot ida ba nasaun ne’e, tanba ne’e Governu TL desidi atu rezolve problema rai tenke hari estrutura Sekretariu Estadu asuntu ba rai nian, hodi buka maneira rezolve problema rai privadu komunidade no rai Estadu nian.

“Ita konsidera problema rai ne’e boot, tanba ne’e ita nia Governu foti sekretariu Estadu, oinsa atu buka hatene no esplika ba povu atu buka solusaun ba rezolve problema rai,” afirma Jaime Xavier.

Nia esklarese, Governu Timor Leste kria ona lei ba rai ne’ebé Konseillu Ministru sei deskute no hadia, tanba ne’e nia apela no husu ba povu Timor-Leste atu labele fa’an rai arbiru no hadau ema nia rain.

Jaime Xavier afirma, nasaun ida hanesan Timor Leste, Governu halo lei para evita povu oho malu no hadau malu rai, hodi halo ema lakon osan lori malu ba tribunal.

“Ita lakohi atu povu hadau malu rai, oho malu tanba rai, no lakon osan, maibé rezolve problema rai tuir lei ne’e rasik,”katak Jaime.

Bainhira Timor Leste independensia, Governu Amerika fó apoiu hodi foti dadus ba rai nian, depois foin lalais ne’e, Timor Leste lansa tan Sistema Nasional Cadastrais (SNC) hodi halo ba munisipiu hotu.

Iha tinan kotuk, prosesu lebantamentu ba programa “Ita Nia Rain” la’o laduk diak, maibé agora uja mapamentu google di’ak liu, hodi SNC haforsa liutan sistema buka solusaun rezolve rai tuir lei.

Iha komfrensia ne’e, nasasaun membru CPLP balun mós aprezenta sira nia sistema lei ba rai, amibé sei mosu problema.cos

Jornal Nacional