L7 SEI TAMA LASU, KUANDU HALO DEMONSTRASAUN

DILI – Estudante no sosiadade sivil husu ba eis gerileiru Cornelio Gama “L7” atu labele ansi halo demostrasaun, L7 rasik sei tama lasu ema seluk kuandu mantein nia posisaun ho demostrasaun.

Tuir Alumni Iniversidade Nasional Timor Leste (UNTL) fakuldade FASPOL, Inocencio Savier, ba STL iha edifisiu AJAR Farol Kinta (18/06) hatete lei fo dalan ba sidadaun atu espresa ida-ida nia hanoin liu hosi demostrasaun, maibe husu ba L7 atu labele ansi tanba nia rasik sei hetan hela TIR hosi tribunal.

Ita nia konstitusaun da Republika fo dalan liu-liu iha artigu 42 no 43 fo dalan ba sidadaun ida atu espresa sira nia hanoin liu hosi demostrasaun kuandu la halo krime nomos lori kroat ruma hodi ameasa ema ida maibe ba maun L7 diak liu labele lai tanba nia sei hetan hela TIR no kuandu nia kontinua halo maka nia sei tama lasu ema nian no sai todan liu tan,” dehan Inocencio.

Nia hatutan tan laiha problema kaundu L7 atu halo demostrasaun hodi hatoo nia preokupasaun ba governu ou estadu neebe mak tuir nia lao la los, maibe kuandu L7 rasik livre ona hosi TIR bele halo manifestasaun tanba laiha ona naha (beban) ida mak iha nia leten.

Nunee mos ho, Floriano Monteiro, husu ba L7 atu rona hanoin neebe mak mai hosi parte hotu liu-liu Polisia Nasional Timor Leste neebe maka la autorija L7 atu halo manifestasaun nee hanesan salvasaun ida. Informasaun kompletu iha STL Jornal no STL Web, edisaun Sesta (19/6/2015). Thomas Sanches

Suara Timor Lorosae