Dekanu
Fakuldade Ekonomia, Universidade Oriental Timor Lorosa’e (UNITAL) Saturnino
Cláudio, hateten katak, Governu labele laran metin ba rekursu minarai atu halo
dezenvolvimentu, maibé tenki investe iha área seluk hodi bele garante futuru
dezenvolvimentu ba oin.
“Ita
labele laran metin demais ba mina rai. Hakarak ka lakohi, ita mós tenke kria
tan rekursu humanu sira seluk, atu nune’e ita nia fundu mina rai ne’e labele
mohu ba iha future”, dehan Saturnino ba JN-Diário iha kampus UNITAL Becora
Kuarta (17/6).
Saturnino
dehan, presiza mós dezenvolve iha setor edukasaun, hodi prepara rekursu humanu
ne’ebé iha kapasidade atu hamoris potensialidade setor sira seluk hodi bele
hatama reseita naun petrolíferu mai
Estadu.
Nia
dehan tan, oras ne’e dadauk ema koalia barak konaba setór turizmu. Setór ne’e
bele sai alternativa ba fundu minarai, maibé importante liu prepara uluk
rekursu hodi bele kria planu ba dezenvolvimentu área ne’e.
Tuir
Saturnino, setór seluk ne’ebé iha poténsia bo’ot mak agrikultura. Governu
presiza intensivu liu tan hodi dezenvolve área ne’e, tanba maioria povu iha
nasaun ne’e moris ho agrikultura.
“Bele
dezenvolve agrikultor tradisionál no agrikultór modernu. Agrikultór komérsiu
liga ba merkadu, atu povu bele sente katak, nia bele hetan osan husi saida mak
sira produs”, tenik Saturnino.
Saturnino
esplika liu tan katak, sé ida ne’e mak la’o ona, povu agrikultór sira bele
produs ona materiál primária husi produsaun agrikultura, tanba ne’e presiza atu
dezenvolve área ne’e.tos
Jornal
Nacional
Sem comentários:
Enviar um comentário