DILI
- Kompañia internasional Megawide husi Filipina prontu atu hola parte no
kolabora ho governu no estadu Timor-Leste hodi dezenvolve setor infra-estrutura
iha nasaun foun ne’e. Prezidente komisaun F ne’ebé trata asuntu Edukasau,
Saude no kulutra Virgilio Hornai hateten, komapñia Megawide halo
parseira ho governu kona-ba konstrusaun infra-estrutura iha area sira
hanesan Aeró portu, Saude no eskola.
Nia
dehan kompñia ne’e nia serbisu sei ho kualidade tanba sira iha industria
ba material rasik, iha kapasidade finanseiru no hetan mos
sertifikadu internasional ba kualidade mão de obra. “Tanba
ne’e mak ohin sira mai aprenzenta sira nia kompañia iha ne’e ho nia kustu
ne’ebé mak baratu no kualidade,”dehan Virgilo hafoin remata enkontru ho
kompañia internasional tersa, 07/07 iha Parlamentu Nasional.
Nia
haktuir inisiativa kompañia ne’e mosu hodi mai iha Timor-Leste
wainhira deputadu sira ba vizita Filipina, nune mos sira halo kedas kordenasaun
ho Ministru Edukasaun saudozo Fernado La Sama hodi organiza maibe sidauk realija saudozu
Lasama husik hela ona mundu. “Sira mai ne’e tanba kumprementa konvite
saudozo nian, tanba ne’e mak sira mai aprezenta duni sira relatoriu no
dezenho ba komisaun F no komisaun E,”dehan nia.
Nia
dehan infra-estrutura eskola basika ohin loron governu tenki iha politika ida
para estudante sira tenki eskola ho kualidade ne’ebé diak, atu nune’e bele
reprezenta obra nasaun nian. Nia dehan Parlamentu fo apoiu ba governu atu
halo parseria ho estadu Filipina tanba kompañia ne’e iha kualidade diak
atu dezenvolve setor infra-estrutura iha naasusn foun ne’e.
Entretantu
deputadu membru Komisaun F Eladio Faculto hateten kompañia ne’e implementra ona
prójetu bo’ot iha Filipina no ho kualidade ne’ebé diak tanba ne’e nia apoiu se
kompañia ne’e atu mai hola parte mos ba dezenvolvimentu infra-estrutura nasaun
foun ne’e nian. “Hau hanoin sira mai implementa sira nia prójetu iha ne’e
atu ita bele hetan diak ruma husi sira, ne’e hanesan almirasaun husi sira tanba
sira halo konstrusaun baratu no kualidade,”dehan deputadu Eladio. Nia
dehan, kompañia ne’e laos atu hare ba konstrusaun ida deit maibe sei
rehabelita infra-esstutura hot-hotu liu-liu ba eskola ne’ebé
mak at, sira bele ajuda estudante sira, tanba ne’e sira mai aprezenta sira an para
bele ajuda halo kontrusaun. (BT)
Business
Timor - TiNa
Sem comentários:
Enviar um comentário