TL POTENSIA BO’OT BA TURISMO – DEPENDE NAFATIN BA MINA-RAI

Organização Não Governamental (ONG), La’o Hamutuk durante ne’e haree katak, área turismo Timor-Leste nian iha potensia bo’ot ba Estadu atu tau matan hanesan iha tasi ibun area Dili nian no mos Munisípius seluk.

“Ha’u hanoin  Iha area tasi ibun ne’e Estado foti hotu uza ba fatin restaurante ou bele uza ba fatin Hotel ruma atu bele atrai turista sira bele ajuda ema atu hetan osan infelismente ita entrega ba fatin didiak sira ne’e ba mak embaixada sira ne’ebe tau pagar ba buat ruma estraga ou halo furak iha tasi ibun sira ne’e sira la kontinua,”dehan Diretor ONG La’o Hamutuk, Juvinal Dias, ba Jornal Nacional Diário Iha nia servisu fatin Bebora, Dili, Segunda (14/ 7/ 2015).

Nia hateten tan, politika Estado nian mak to’o agora falha maka’a los, tamba sira hanoin katak iha area tasi ibun labele hatama osan ba rai ida ne’e. “Ha’u haree Dili rendimentu bo’ot ne’e bele mai husi tasi ibun ne’e embaixada sira bele  muda tiha ba foho leten sira ne’e para tasi ibun sira ne’ee uza ba area turistiku,”dehan Juvinal Dias.

Area sira ne’ebe potensia atu Timor hatama osan husi neba mak hanesan area Cristo Rei, Behau, Tutuala, Jaco to’o Atauro, maibe Estadu la haree tiha ba ida ne’e hodi husik hela deit.

Nia deklara tan,  turismo hanesan parte  komersiu entaun bele atrai  ema  mai haree. “Haree deit saida mak akontese iha Bali, ne’e oin seluk. Ita tenke lahanesan se hanesan ema turista sira labele mai iha ita nia rain Timor. Alende area turismu  ita mos iha fatin   historiku atu prezerva no dezenvolve,”dehan Vuvinal.

Iha parte seluk  Julio Da Costa, nudar komunidade hateten mos katak, koalia konaba area turismu iha Timor seidauk la’o diak.

“Tuir ha’u nia hanoin fatin turismu iha Timor ne’e  barak tebes hanesan iha area branka, Atauro, Jaco no hanesan  Estatu Boanventura iha Same neba fatin hirak ne’e furak  tebe tebes maibe ita timoroan dala ruma rona fatin hirak ne’e atu ba hodi hatene tuir  istoria hirak ne’e maibe dook los no balu la gosta. maibe tuir hau nia haree iha malae  turista sira mai husi Portugal no Australia  dala ruma ba to’o iha fatin hanesan sira ne’e,”dehan nia.

Ekonomia TL Depende Ba Mina-Rai

Nune’e mos La’o Hamutuk nia haree katak, kresimentu ekonomiku iha Timor – Leste ne’e sei depende nafatin ba osan minarai.

“Ita haree orsamentu Estado iha 2015 ita menus husi 200  juta ne’e mai husi rendimentu domestiku, 93 % liu ne’e mai husi rendimentu osan mina- rai sinifika katak ekonomika Timor-Leste durante ne’e depende ba osan  minarai maka’ass tebes,”esplika Diretor ONG La’o hamutuk, Juvinal Dias.car

Jornal Nacional