Governu Timór hato’o parabéns ba primeiru ministru foun Austrália

Primeiru ministru, Rui Maria de Araújo, hodi Governu ninia naran hato’o parabéns ba ninia omólogu foun, Malcolm Turnbull ne’ebé manan iha eleisaun, semana kotuk no konvida atu ninia omólogu halo vizita mai Timor-Leste.

Iha komunikadu ezekutivu timor-oan nian esplika katak Rui Araújo hakerek ba Turnbull hodi hato’o parabéns no iha esperansa atu hetan oportunidade hodi serbisu hamutuk ho Xefe Ezekutivu foun.

“Ha’u fi’ar katak ho ninia otimismu ba Austrália, ho ninia potensiál ba ita-ninia rejiaun nomós ita-ninia interese no valór komun, ita bele serbisu hamutuk hodi kria estabilidade nomós prosperiedade rejionál”, hakerek.

“Primeiru ministru Rui Maria de Araújo, aproveita oportunidade ne’e hodi konvida Turnbull, hodi hala’o vizita ofisiál mai Timór”, tuir nota ne’ebé iha.

SAPO TL ho Lusa