PROJETU BEE MANAS MAROBO EXTENDE TAN VALOR US$ 400.000

Projetu turismu komunitariu hodi halo rehabilitasaun ba potensia turismu Bee manas Marobo, Munisipiu Bobonaro, ho valor orsamentu US$ 400.000, kontinua la’o no responsabel husi Sekretario Estado Politika Formasaun Profesional no Empregu (SEPFOPE).

“Projetu bee manas Marobo la’os paradu, konstrusaun la’o hela. Problema ne’ebe mak ami infrenta oitoan maka dezenho entre konsultan ho kontraktor, tanba bee manas ne’e ninia beleran as entaun uja besi la bele no besi sira ne’e sai frujun hotu, entaun tenke muda fali ninia dezenhu,” hateten SEPFOPE Elidio Ximenes ba Jornalista sira iha ninia kna’ar fatin, Caicoli, Dili, Segunda (07/09/2015).

Elidio esplika, falhansu primeiru tanba iha dezenhu primeiru ne’e sala no ida ne’e SEPFOPE rekonhese, mais konstrusaun la’o hela, orsamentu ba iha projeito refere hamutuk US$ 400.000, tanba projeito ne’e bot ne’ebe mak kaer husi empreza lokal.

Nia hateten, konstrusaun ne’e hahuu iha tinan kotuk, tuir lolos tenke remata iha tinan ne’e, maibe tanba falhansu dezenho tenke extende tan tempu.

“Iha jestaun planeamentu ita bele halo, maibe nia bele muda tanba depende ba natureza ne’ebe la’os termina tempu fulan tolu remata ne’e tenke remata duni ne’e laiha, semak atu matenek mos deskute malu ho hau. Panu ita halo ida mak medang laharuka ita bele muda, importante mak la bele inventa tan osan, bele iha mudansa kuandu presija duni mais kona ba projeito be manas ne’e laaumenta osan, esplika Elidio Ximenes.

Autoridade lokal Munsipiu Bobonaro lamenta tebes ho projetu ne’e tanba paradu derepenti deit no la iha informasuan ba autoridades sira Bobonaro nian. mia

Jornal Nacional