Konseitu Estratéjiku Defeza-Seguransa, PM Rui Maria Husu F-FDTL Ho PNTL Fó Prioridade Ba Tasi

Primeiru Ministru (PM), Rui Maria de Araújo husu ba Falintil Forsa Defeza Timor Leste (F-FDTL) no Polisia Nasionál Timor Leste (PNTL) atu fó Prioridade ba fronteira tasi, tanba rikusoin Timor-Leste nian barak mak iha tasi.

Primeiru Ministru Rui Maria de Araujo, hatete katak, sorumtu kona-ba aprezentasaun Konseitu estratejiku Defeza seguransa nasional ne’e, importante tebes. Tanba ne’e, Xefi Governu husu ba PNTL ho F-FDTL tenke fó atensaun espesial ida ba iha konseitu seguransa marítima ne’ebé iha relasaun ho tasi.

“Iha ambitu substansia husi konseitu estratejiku nian, Ha’u hakarak atu realsa aspeitu ida, maibé hau hanoin persija atu sai mos konsiderasaun importante, Li-liu kestones ne’ebé relasionadu ho ita nia geografiku, tanba ita iha kestoens ne’ebé relasionadu ho marítima,”katak PM Rui Araújo iha nia intervensaun ba enkontru defeza no seguransa ne’e, Segunda (7/9), iha DIli.

Nia haktuir, entermus prosesu, konseitu estratejiku defeza no seguransa nasional ne’e, liu husi prosesu ne’ebé naruk, maibé presiza konsidera mós aspeitu balu husi sosiadade sivil.

“Tanba kestaun defeza seguransa, iha mós relasaun iha intermus de prosesu, ha’u hanoin ita konsidera mós oportunidade di’ak, atu bele koloka mós dialogu ho sosiadade sivil,   maibé ida ne’e la’os dokumentus konfidensial ida, maibé ida ne’e oinsa ita atu hala’o ita nia politika defeza i seguransa,”katak Rui Araújo.

Nia esplika, intermus de substansia ba asuntu defeza i seguransa ne’e, Xefi Governu ne’e dehan, nia espera katak, dialogu ne’ebé sira halo ne’e, bele foti inkluzaun ida substansia no kona-ba konteudu husi dokumentus estratejika ne’e.

“Iha enkontru ida ne’e, ita bele apresimu mós prosesu autoridade ne’ebé lolos ita tenke haree, hodi nune’e ita bele hala’o servisu di’ak liu tan iha área ida ne’e,”katak Rui Araújo.

Nia haktuir, ema barka hatene ona katak, kestaun atividade marítima ne’ebé Timor Leste persija tenke hala’o.

Rui Araújo afirma, aspeitu ne’ebé nia temi ne’e, relasaun ho fronteiras marítimas, atividades ne’ebé iha relasaun ho atividade hotu iha marítima ne’e.

“Hau fó apela bavizaun estrajikas, depois tama ona iha kestoens substansiais, ita fo atensaun esesial ida kona-ba ita nia tasi, ne’ebé kona-ba atividades hotu ne’ebé hala’o iha tasi hodi nune’e ita bele hala’o servisu di’ak liu tan iha area ida ne’e,”kata nia.

Nia esklarese, hanesan barak hantene katak, kestaun atividade ne’ebé lolos ne’ebé iha relasaun ho kestaun maritima.

“Ita presiza iha kontenstu ida ne’e, ita tenke levanta ba oin, liu husi ida ne’e, ita bele formaliza liu tan iha area ida ne’e,”tenik Rui Araújo.

Iha okaziaun ne’e mós, Vise Xefe Estadu Maior General das F-FDTL, Brigadeiru Jeneral Filomeno Paixao de Jesus, halo aprezentasaun kona-ba konseitu estratejiku nasional, planeamentu estratejiku defeza no seguransa nasional, ba membru Governu sira ne’ebé mak partisipa iha enkontru ne’e.cos/nes

Jornal Nacional