Kazu Emilia, Membru PN Prontu Hatan Tribunal

DILI - Tribunal Distrital Dili deklara membru Parlamentu Nasional (PN) Fernanda Lay prontu atu fo nia deklarasaun ba tribunal kona ba kazu Emilia Pires no Madalena Hanjam nian.

Iha sala audensia tribunal hatete katak, deputada Fernanda Lay hanesan sasin neebe arola husi parte defesa Emilia Pires nian prontu atu fo deklarasaun ba tribunal, maibe liu husi eskrita deit. Tanba nee parte defesa tenke halo perguntas neebe diak atu nunee sasin labele resposta deit “sim ou nao”. Basaa sasin nee laos mai tur iha tribunal para bele repete perguntas ba nia, maibe nee liu husi eskrita deit, dehan nia iha TDD.

Nia hatutan, iha loron 9 Desembru nee tribunal sei rona deklarasaun sasin husi parte defesa Emilia Pires nian mak hanesan deputada Fernanda Lay, Jose Bareto no Jimmy de Catsro. Depois rona tiha sasin nain tolu nee, sei kontinua rona tan sasin nain 6 iha loron rua tuir malu. Sasin sira neemak notifikadu hotu ona.

Sasin sira neebe mak defesa parte rua nian arola ona, maibe tribunal seidauk notifika. Neemak hanesan sasin husi arguida Madalena nian eis PM Xanana Gusmao, Sergio Lobo, Ramos Horta, Luis Maria Lobato, Jahendra Bata no Ilis Malberhet. Entertantu sasin husi parte arguida Emilia nian mak Mari Alkatiri, Cris Margaritis, Mateu Tibel no arguida nia kaben Worren Macleod. Informasaun kompletu iha STL Jornal no STL Web, edisaun Sabado (21/11/2015). Domingas Gomes

Suara Timor Lorosae