Prémiu
Nicola/Universidade Aveiro entrega iha ámbitu hosi selebrasaun aniversáriu hosi
Universidade Aveiro nia ba dala 42.
Ângela
Marçal Belo, estudante timoroan ida, simu ona iha loron 15 Dezembru 2015 prémiu
Nicola hosi Universidade Aveiro tanba sai hanesan estudante di'ak liu
lisensiatura nian iha kursu Tékniku Superiór Sekretariadu nian iha Universidade
Aveiro iha tinan letivu 2014/2015 ho média 15,83 valór.
Serimónia
entrega prémiu ne'e halo iha Auditório Reitória nian no iha prezensa hosi
Reitór no dosente sira hosi Universidade Aveiro nian no mós hosi Sekretáriu
daruak hosi Embaixada Timor-Leste nian iha Lisboa no hosi Adidu Edukasaun
Timor-Leste nian iha Portugal.
Tuir
Adidu Edukasaun Timor-Leste nian iha Portugal, Dr. Rojer Soares, distinsaun
hosi Ângela Belo nian nu'udar aluna di'ak liu tenki sai hanesan insentivu ba
empeñu no dedikasaun hosi estudante timoroan sira seluk iha sira nia estudu
hodi hanoin ba susesu eskolár, nune'e mós aprezenta hanesan onra no orgullu ida
ba Timor-Leste.
Ministériu
Edukasaun Timor-Leste nian no Universidade Aveiro iha nafatin relasaun di'ak
tebes no ho susesu iha koperasaun no dezenvolvimentu edukasaun no formasaun ba
timoroan sira, universidade ne'e fó nia kontributu boot tebes ba
dezenvolvimentu hosi rekursu ema nian iha Timor-Leste, nune'e mós ba
dezenvolvimentu kurikulár hosi sistema edukativu timoroan nian.
Nune'e,
Adidu Edukasaun konsidera katak Timor-Leste tenki hametin koperasaun ho
Universidade Aveiro, mobiliza dalan no instrumentu pragmátiku sira, hodi
hametin relasaun ida entre parte rua ne'e. Dr. Rojer Soares rekoñese katak
reitoria, dosente sira no funsionáriu tomak hosi Universidade Aveiro fó nafatin
akompañamentu di'ak no simu ho di'ak estudante timoroan sira ne'ebé frekuenta
ensinu superiór ida ne'e.
SAPO
TL - Fonte: Gabinete do Adido de Educação
Sem comentários:
Enviar um comentário