Hasai Imunidade, Depende Vontade PN

DILI - Atu hasai imunidade ba membru governu neebe mak sai arguidu hodi tuir julgamentu iha Tribunal, nee depende ba vontade Parlamentu Nasional (PN) nian.

Tuir Administrador Tribunal Distrital Dili (TDD), Duarte Tilman hatete, atu hasai imunidade ba membru governu neebe iha kazu iha Tribunal nee depende ba Parlamentu Nasional. Tribunal so hein deit, tanba karta haruka ona ba iha PN. Neebe atu responde ka lae, nee depende PN. Maibe prosesu nee lao nafatin hela.

Foin lalais nee tribunal adia hikas julgamentu ba arguida atual Sekretariu Estadu Arte no Kultura (SEAK), Isabel Ximenes tanba Parlementu Nasional seidauk hasai imunidade. Arguida nee Ministeriu Publiku akuza nia ho krime pekulatu, administrasaun neglizente ho abuzu de poder hasoru estadu Republika Demokratika Timor-Leste (RDTL).

Audensia nee sei preside husi Juiz Koletivu, hanesan Juiza Fransisca Cabral, Jose Maria de Araujo, Juiza Fransisca Cabral no juis estagiariu. Ministeriu Publiku reprezenta husi prokurador Jacinto Babo no arguida hetan asistensia legal husi defensor publiku Rui Guteres ho Manuel Sarmento. Informasaun kompletu iha STL Jornal no STL Web, edisaun Kinta (17/12/2015). Domingas Gomes

Suara Timor Lorosae