Taur: Tinan Oin Mandatu PR Remata Ona

RAILACO – Presidente Republika Taur Matan Ruak fo hanoin ba populasaun sira iha suku Taraco, Postu Administrativa Railaco, Municipiu Ermera katak, iha tinan oin fulan Maiu, ninia mandatu hanesan Presidente Republika remata ona.

Vizita mai ita boot sira nia suku hola parte programa neebe hau halo ba hau nia aan ba iha hau nia mandatu tinan 5 nian, bainhira ita boot sira hili hau hanesan Presidente Republika, hau nia mandatu tinan oin Maiu remata,” dehan PR Taur iha ninia diskursu bainhira halo dialogu ho Komunidade sira iha suku Taraco, Postu Administrativa Railaco, Municipiu Ermera, Segunda (15/02/2016).

Ho vizita suku Taraco, Presidente Republika Taur Matan Ruak vizita ona suku 392. Xefe Estadu nee mos afirma tan katak, vizita suku sira bele hatene no koinese komunidade ida-idak ninia problema.

Iha fatin hanesan xefe suku Taraco Graciano de Jesus hatete, komunidade suku Taraco agradese ba Presidente Taur Matan Ruak, tamba bele halo vizita ba sira ninia suku hodi rona no hare direitamente saida mak komunidade sira iha suku nee infrenta.

Entertantu Manuel Salsinha henesan kounidade husu ba Presiddente Republika atu kandidata aan nafatin ba Presidente Republika, atu nunee bele hare nafatin povu mukit sira. Informasaun kompletu iha STL Jornal no STL Web, edisaun Kuarta (17/2/2016). Carme Ximenes

Suara Timor Lorosae