Kondutór indonézia nia sira halo protestu maka’as kontra Uber

Taxista ho kondutór rikuexós indonézia rihun resin maka ohin taka tiha dalan prinsipál Jakarta, halo atake ba kareta nomós halo protestu maka’as ba iha parlamentu kontra Uber nomós empreza seluk ne’ebé hanesan ho Uber. 

Kondutór sira taka kartas ba sira-ninia kareta ne’ebé hakerek ho liafuan “Hapara taxi ilegál” no sira mos sunu pneu ne’ebé sira ka’er hodi tuda ba kareta sira ne’ebé lakohi halo parte iha protestu refere no koko atu ataka kondutór hosi kareta hirak ne’ebé bele halo xamada liu hosi aplikasaun.

"Ha’u hakarak atu taka Uber, GrabCar, Go-Jek tanba estraga ami", dehan taxista Dudin Suhendri, tinan 58, no fó sai kona-ba serbisu balun ne’ebé koñesidu liu. Manifestasaun nee akontese hafoin mosu problema entre operadór tradisionál hosi transporte kapitál ho kondutór hosi serbisu foun nian.

Taxista sira – hosi kareta nomós motór nian – ladun kontente tanba serbisu foun ne’ebé hala’o liu hosi telemóvel, tanba bainhira presija transporte, somente liga de’it ba iha númeru ne’ebé iha, ho presu kiik no laselu impostu hanesan sira.

Tuir portavos polísia Jakarta haktuir katak ema rihun lima maka halo protestu. Manifestante sira para hotu sira-ninia kareta iha dalan prinsipál sidade nian, hapara atividade iha sidade nomós kria problema liu hosi violénsia.

SAPO TL ho Lusa – Foto: @marcelinasancho