PONTA LESTE MANAN SLB 2-1

Treinador AS Ponta Leste, Eduardo Pereira hateten, jogadores ekipa SLB Laulara lós ekipa ne’ebé mak babain ka fraku, tanba ne’e mak lolos ne’e defisil tebes atu bele maman sira SLB, maibe Ponta Leste konsege manan ona 2-1.

“Ami nia jogadores ekipa mós kuaze boot iha klube SLB, mais ou menus tinan 10 liu, tanba ne’e mak defisil tebes atu halo sira derota liu husi jogu kontra atake ruma,” informa treinador AS Ponta Leste ba jornalista sira hafoin nia ekipa remata jogu kontra ho ekipa SLB Laulara iha Estadium Munisipa Dili, Domingo (20/03/2016).

Treinador ne’e akresenta, jogadores ekipa rua ne’e lolos mai husi aman ida deit, no sira kuaze hetan treinu no boot hamutuk iha Mr. Kim nia liman, ne’ebé iha jogu kontra atake ida ne’e, iha ninia ritmu jogu ne’ebé furak duni, tanba jogadores husi ekipa rua ne’e, halo esforsu másimu hodi bele manan iha jogu ne’e.

“Ami nia haree nota katak, ba arbitrazen ninia servisu seidauk hatudu didiak ninia profesionalismu ne’ebé másimu, tanba lidera jogu ida no wainhira asidenti ida mosu, hanesan jogadore smonu iha kampu laran, árbitu ladauk húu,” realsa nia.

“Ami kontinua sejere no kontribui, tanba rekuinñese katak ita nia liga ne’e mós foin moris ka hahu, tanba ne’e mak ita sei iha faze prosesu dezenvolvimentu nian, tanba ne’e ami kontinua sujere katak, tenke melhora servisu ka fungsaun parte arbitrazen,” sublinña nia

Iha tempu no fatin ne’ebé mak hanesan, kapitaun ekipa AS Ponta Leste Nidio da Dores Neto (8) kuinñese jogadores ekipa SLB Laulara nia jogu kolektivu, tanba ne’e mak susar oituan atu manan iha jogu kontra atake ida ne’e.

“Hau hatene no kuinñese diak sira, tanba uluk ami mós barak mak hamutuk jogadore ekipa SLB Laulara, no treinador mak Mr. Kim,” realsa nia.

Nia akresenta, maske nune’e, “ami halo esforsu másimu, tuir treinador nia isntrusaun ne’ebé haruka katak, tenke jogu fighting ne’ebé maka’as, no ami nia ekipa konsege manan SLB iha jogu kontra atake ida ne’e, maske manan mihis”.

Iha sorin seluk, adeptus AS Ponta Leste, Zecalistro Soares ne’ebé ba asiste diteita jogu ne’e sente kontente tebes, tanba nia klube bele manan, maske ami hola bilete mós la saugati. Ito

Jornal Nacional