Ladauk halo “buat barak” hodi halakon diskriminasaun rasiál - ONU

Organizasaun Nasoens Unidas (ONU) horisehik fó sai katak “ladauk to’o” atu halakon diskriminasaun rasiál, tanba “sei iha kondisaun intoleránsia” ba “oportunismu polítika” ne’ebé akontese iha mundu ba oras ne’e daudaun. 

Tuir mensajen ne’ebé fó sai horisehik relasiona ho Loron Mundiál ba Eliminasaun Diskriminasaun Rasiál, sekretáriu jerál Nasoens Unidas, Ban Ki-moon, dehan katak “oras ne’e daudaun mundu luta hodi asegura ba igualidade direitu nomós atu labele iha diskriminasaun”.

Maski nune’e, iha mundu ohin loron “sei iha intoleránsia, vizaun rasita nomós violénsia tanba de’it ódiu malu”, halo alerta no hatutan tan katak “diskriminasaun rasiál no violénsia kontra komunidade balun, sei kontinua aumenta”.

Ban Ki-moon dehan tan katak “difikuldade ekonómika nomós oportunismu polítika hamosu ona ostilidade ba minoria sira”, hanesan “violénsia hasoru refujiadu no migrante, liu-liu ba musulmanu sira”.

“Oportunidade polítika” ladun di’ak, liu-liu hosi estrema-direta, ne’ebé “fomenta divizaun nomós mitu perigozu”, maibé “partidu sira hosi sentru os hahú haforsa sira-ninia pozisaun”, dehan responsável ONU.

“Xenofobia aumenta maka’as iha nasaun eis-moderadu sira”, dehan Ban Ki-moon, katak liu-liu “risku hosi fratura sosiál, isntabilidade no konlfitu”, ne’ebé kontra ho “direitu dignidade ba ema hotu, diversidade nomós pluralismu”.

SAPO TL ho Lusa