TL TENKE HETAN DIREITU LOLOOS BA FRONTEIRA MARITIMA

DILI - Timor-Leste tenke hetan direitu loloos ba frontreira marítima ne’ebé oras ne’e sai problema bo’ot ho viziñu Austrália.

Tanba to’o oras ne’e, frontreira marítima entre Timor-Leste ho Austrália seidauk iha liña frontreira marírima ida ne’ebé klaru, maski tuirmedian linekuaze mina matan sira ne’e pertense ba TL nian.

Diretór JSMP, Luis Sampaio orgullu ho manifestasaun ne’ebé organiza hosi Movimentu Okupasaun Tasi Timor (MOPTK), tanba laiha tipu krime, ne’ebé hala’o iha loron 22-23 Marsu liu ba.

Luis Sampaio haktuir, iha nasaun barak iha mundu, kuandu iha asaun manifestasaun sira  involve ema barak, dala ikus sempre iha asaun krimi, maibé TL habkribi ida ne’e.

 “JSMP orgullu   tebes ho asaun ne’ebé foin lalais, ita hala’o nein mosu tipu krimi, no ita respeita nafatin Australia hanesan nasaun viziñu,” Luis Sampaio  ba TP iha nia kna’ar fatin, Kolmera, Kuarta (06/04).

Nu’udar timor-oan, ita hotutenke iha hanoin ida de’it, atu fó apoiu ba governu hanesan negosiadór ba asuntu tasi timor lideradu Xanana Gusmão.

tuir nia,  ho tan rezolusaun ne’ebé aprova hosi Parlamentu Nasional hanesan forsa politiku ida, hodi reforsq pozisaun estadu nian ba prosesu negosiasaun tasi Timor Entre Governu TL ho Governu Austrália.

“Ita hein no espera, ekipa ne’e,  bele hetan dalan, hodi konvida governu Australianu tur hodi rezolve problema refere, espesifikamenta tuir regras sira ne’ebé iha,”katak nia.

Tuir Diretór JSMP ne’e katak, tenke negósia ho asuntu polítika, tan ne’e,  maka ekipa ne’e tenke lidera hosi politiku sira, atu reforsa maka hanoin hosi estadu, Parlamentu Nasional, Prezidente da Republika, no ekipa tékniku sira lidera hosi  Ministériu negósiu Estramjeiru (MNEK).

“Loloos asuntu ne’e kompeténsia MNEK, mais tanbá asuntu ne’e  bo’ot,  no iha implikasaun polítiku entra nasaun TL ho Austrália, tan ne’e,  estadu hili figura sentrál hanesan Eis PM Xanana Gusmão maka lidera ekipa refere hodi hala’ negosiasaun,”dehan nia.

Nia hatutan, ema tékniku bele involve ema legál balun, hodi reforsa hala’o negosiasaun, maibé prosesu negosiasaun tenke tuir estadu nia polítika, katak sira polítika maka reprejenta estadu Timor. (max)   

Timor Post