Organizasaun
Saude Mundial (OSM) iha Timor-Leste apoia tan kareta ida ba Ministeriu Saude
(MS) hodi fasilita diak liu tan servisu ministeriu nian, liu-liu kontrolu ba
moras endemiku sira (sarampu no rubella) iha rai laran.
Reprezentante
Diretor Jeral Servisu Kooperativu MS, Francisco Borges, hateten apoiu ida ne’e
importante tebes atu fasilita servisu ekipa vijilansia epidemologia nian hodi
halo kontrolu, supervizaun no monitoriza ba moras endemiku sira iha rai laran.
“Kareta
ne’e sei uza ba halo supervizaun, monitorizasaun, koleta dadus no investigasaun
ba moras endemiku sira ne’ebe akontese iha rai laran,” DJ Borges hateten,
hafoin simu apoiu ne’e iha edifisio Servisu Sentral Saude, Kaikoli, Dili.
Nia
dehan, papel vijilansia epidemologia ne’e importante tebes atu rekolha
informasaun no dadus kompletu kona ba moras endemiku sira ne’ebe iha rai laran,
fasilita governu trasa planu ne’ebe efetivu hodi kombate.
Alende
ne’e, Organizasaun Saude Mundial mos supporta motorizada walu ba iha
Laboratorium Nasional.
Entretantu
reprezentante OSM, Rajesh Pandav, hateten apoia ida ne’e bazea ba proposta
ne’ebe MS submete ba sira, husu transporte hodi reforsa servisu vijilansia
epidemologia nian.
“Ami
sempre pronto suporta teknika no logistika ba ministerio saude atu bele
atinji vizaun ‘povu saudavel, Timor-Leste saudavel’,” dotor Pandav hateten.
Tanba
ne’e, nia husu ba ekipa vijilansia epidemologia atu uza kareta ne’e ho kuidadu,
hodi ba halo kontrolu ba moras sira ne’ebe bele prevene husi imunizasaun
(sarampu, rubella no polio) iha Timor –Leste.
Iha
parte seluk Xefe Departamentu Vijilansia Epidemologia MS, Maria Angela Varela,
hateten durante ne’e transporte sai obstaklu ba sira atu hala’o servisu iha
terenu.
Nia
dehan, servisu vijilansia nian mak haree liu ba halo kontrolu no supervisaun ba
moras endemiku sira iha rai laran no responde ba kazu emergensia sira ne’ebe
afeta povu nia saude.
“Ami
nia servisu mak kontrola, monitoriza no halo investigasaun ba kazu sira ne’ebe
sai ameasas iha Timor,” nia hateten.
Nia
hatutan, durante ne’e ekipa vijilansia uza deit kareta husi diresaun seluk nian
bainhira tun ba terenu halo kontrolu no rekolha dadus ruma kona ba moras nian.
The Dili Weekly
Sem comentários:
Enviar um comentário