Gasta Osan Hare Ba Nesesidade

DILI – Igreza katolika husu ba governu Timor Leste atu gasta osan hare ba nesesidade ka realidade povu.

Preokupasaun igreja nee hatoo, hafoin rona aprezentasaun husi Konsellu Konsultivu Fundu Petroliferu (KKFP), wainhira halo dialogu ho Padres, Madres, Seminaristas no Relijiozus sira, Kinta, iha salaun Madres Canosiana Becora, Kinta (17/06/2016).

Tuir Pe. Jose Dasain, SVD hateten hanesan sidadaun iha hanoin atu halo buat ruma tenke ho matenek no matenek nee mak oinsa atu jere rikusoin iha rai klaran, nee duni dalan saida mak diak ba povu no seidauk hatene kona ba kuinhesimentu.

Nuudar sidadaun husu ba governu atu lalika gasta demais osan ba nesesidade neebe mak la fo impaktu ba bem komunu ema hotu nian” dehan Pe.Jose.

Nia dehan orsamentu neebe mak iha rai laran dalaruma ba deit bolsu pribadu duke ba nesesidade komum. Governu nuudar orgaun soberanu neebe mak iha poder atu ejakuta no regula osan diak liu kontrola mos osan neebe mak sirkula iha TL no estranjeiru. No husu mos ba governantes sira atu lalika hare liu ba politika maibe hare realidade povu nian neebe mak akontese iha rai laran liliu problema edukasaun ni seluk tan.

Iha fatin hanesan, tuir Pe. Miguel de Arcanjo hateten ba aprezentasaun neebe mak hatoo husi konsellu konsultivu fundu petroliferu hatudu momos katak governu foti osan inan no oan dala ida deit. Susar liu tan kuandu governu empresta tan osan husi nasaun balun hodi halo dezenvolvimentu iha rai laran.

Tuir Pe. Deometrio da Conseicao hateten lei kona ba fundus pertroliferu numeru 9 tinan 2015 nian dehan katak tenke foti maibe keta liu 3 pursentu. Se mak foti liu 3 pursentu tenke halo justifikasaun neebe mak diak no transparente. Informasaun kompletu iha STL Jornal no STL Web, edisaun Sabado (18/6/2016). Domingos Piedade Freitas

Suara Timor Lorosae