KONSTITUISAUN FÓ DALAN BA RELIJIAUN FOUN TAMA TL – DEZAFIU BO’OT BA UMA KREDA

Relijiaun no seitas oi-oin ne’ebé tama no buras iha Timor Leste (TL) tanba Konstituisaun RDTL maka fó dalan no fó espasu.

“Konstituisaun hatete ne’e liberdade nune’e loke dalan ba ema se deit atu tama mai Timor hodi haklaken sira nia evanjelizasaun no lori osan dada sarani sira,’’ haklaken Bispo Diocese Dili, Dom Virgílio do Carmo da Silva, SDB, bainhira responde jornalista sira iha salaun Madre Canosiana Becora, Kinta (16/6/2016).

Maske konstituisaun fó dalan ba relijiaun no seita sira ne’e moris no buras iha sosiedade TL, maibé Dom Virgílio mós rekoñese katak, situasaun ne’e mós sai dezafiu boot ba  kreda Katolika, tanba relijiaun foun sira ne’ebé tama halo evanjelizasaun no misaun ba buka no dada sarani Katolika sira.

Dom Virgilio hateten, wainhira sarani sira la hatene no la koñese didi’ak sira nia fiar, maka iha tempu ema mai lori sira ho osan no sasan mundu nian halo sira nia fiar namlele no monu tuir ema sira ne’e.

Dom Virgílio haklaken katak, Igreja iha papél importante atu kontinua hametin di’ak liu tan sarani sira nia fiar, liu husi igreja nia liman ain hanesan pastorial, katekista no foinsa’e Katólika sira.nia

Jornal Nacional