Konta Banin, Martina Simu Katana

DILI - Arguida Olandina da Silva Martins senti nervozu ho nia feto foun lezada Martina Nunes, hodi lori katana taa ba lezada too hetan suku pontu barak iha nia isin lolon.

Tuir akuzasaun husi Ministeriu Publiku katak iha loron (10/1/2016) tuku 5:40 dader lezada Martina Nunes ho nia oan mane Pedro toba hela iha kuartu laran, lezada hader sai mai iha odamatan kuartu nian arguida Olandina da Silva Martins, lori taa ba lezada liman parte los, matan parte karuk too lezada monu ba rai.

Depois arguida kontinua taa tan iha lezada nia ulun parte liman los, kotuk klaran no ikus liu mak iha liman sikun parte liman karuk nian. Lezada hamrik halai ba iha nia maun sira, arguida kontinua duni tuir maibe la toman. Rona ida nee lezadu Angelino de Graca de Deus hanesan arguida nia kaben rona lezada Martina hakilar, nia hader husi toba fatin mai liur hodi satan netik arguidu.

Arguida taa kedas iha nia ulun parte liman los, liman kabun parte liman los no ikus liu mak iha tilun hun no liman parte liman los nian. Ho arguida nia hahalok nee lezada Martina hetan suku pontu barak iha kanek neebe mak arguida taa. Nunee mos ho lezadu Angelino hetan suku mos iha nia kanek neebe mak arguiida taa. Ho ida nee Ministeriu Publiku akuza arguida ho krime homesidu simples konjuga ho krime violensia domestika.

Hatan ba akuzasaun nee arguida Olandina da Silva Martins hatete, akuzasaun sira nee los hotu.  Nia halo asaun ba nia feto foun Martina tanba konta at nia ba iha vizinu sira dehan arguida nee buan. Rona ida nee mak arguida ho nervozu hodi kaer katana hein iha adamatan kuartu lezada nian hodi taa. Bainhira taa too monu, nia kontinua taa nafatin too lezada mak halai ba iha nia maun sira.

Iha fatin hanesan lezada Martina Nunes hatete, momentu nee nia atu hader dadersan mais menus tuku 5 resin. Too iha odamatan kuartu nian, arguida ho katana derpenti taa kedas ba iha nia liman los, matan parte karuk too nia monu ba rai. Depois monu tiha arguida kontinua taa nafatin ba iha nia ulun parte los, kotuk klaran no liman sikun parte karuk. Informasaun kompletu iha STL Jornal no STL Web, edisaun Kuarta (1/6/2016).  Domingas Gomes

Suara Timor Lorosae