Barack Obama renova embargo ekonómiku ba Kuba tinan ida tan

Prezidente EUA renova horisehik  ba tinan  ida tan designadu  Lei Komérsiu ho Inimigu, estatutu ida hosi 1917 ne’ebé  sustenta embargo ekonómiku hamonu  ba Kuba,  ne’ebé  prolonga sansaun ba iha rejime kubanu.

Tamba  embargo ekonómiku ba Kuba bazeia ba testu ne’e, só bele altera liuhosi Kongressu, renovasaun ne’e moos signifika katak Barack Obama kontinua mantein autoridade no fleksibilidade hakma’an  sansaun ba illa ne’e liuhosi dekretu ezekutivu ne’e.

Obama tenki deside molok  14 setembru karik prolonga sansaun ba Kuba bazeia ba lei ne’e, ne’ebé maka Prezidente John Kennedy rekorre iha 1962 hodi hamonu  embargo ekonómiku ba Havana, hahú kedas hosi ne’ebá renova kada tinan  hosi Prezidente sia tuir mai.

SAPO TL ho Lusa