DILI,
(ANTIL) - Timor-Leste tenki iha ospitál topu referál ida hodi bele ajuda
hamenus numeru pasientes nebé ba halo tratamentu iha rai liur maibe,
infelizmente falta de investimentu, informa Ministra Saúde, Maria do Céu da
Costa.
Iha
abertura ba semináriu ne’ebé realiza husi Dili Institut of Technlogy ho tema “
Investing in Biomedical Sciense and Technology to Save Human Life and Medical
Technology of Timor-Leste’s Healthcare System” nebé halao kuarta-feira (14/09)
iha salaun DIT, Ministra saúde nudar oradora, iha nia intervensaun hatete,
tinan-tinan haruka pasiente husi Atus Rua toó Atus Tolu ba rai-liur hodi halao
tratamentu, tamba Timor Leste seidauk iha ospital topu referal ida.
Tamba
nee Ministériu Saúde estabelese kooperasaun ho ospitál sira iha Indonézia, Singapura
no Malázia hodi bele atende pasientes hirak neé, Ministra Saude hatutan.
Pasiente
ne’ebé ba halo tratamentu iha rai liur, barak liu sofre kánkro no korasaun,
neduni Ministra Saude husu ba estudante no ema sira iha área saúde presiza fó
atesaun másimu ba situasaun ida ne’e.
“Oinsá
halo prevensaun, oinsá eduka no halo advokasia ida ne’ebé di’ak ba komunidade
sira para bele hatene oinsa prevene moras sira ne’e”, Ministra haktenik.
Alein
de ne’e, tuir Ministra Saude, iha mós moras rins ne’ebé pasiente mós barak,
neduni presiza duni tratamentu nebe intensivu. (Maria Freitas:
Jornalista/Alberto Alves: Editor)
Foto:
Ministra da Saude, Maria do Ceu da Costa
Sem comentários:
Enviar um comentário