DILI,
(ANTIL) – Prezidenti Diretora PT. Artcha Indonézia, Anjar Budiani hatete,
tais ne’e poténsia kultura, turismu no ekonomia ba povu iha teritoriu Timor.
”Tais
hanesan lalenok no aset ne’ebé poténsia tebes hosi nasaun ne’e ninian atu
dezenvolve hosi feto sira”, Anjar Budiani ba jornalista sira hafoin asina nota
intendementu ho Sekretaria Estadu da Mulher iha Kaikoli, Kinta, (15/9).
Tuir
nia, prejensa tais iha merkadu nasionál di’ak ona maibé importante atu hadi’a
iha internasionál ho kualidade ne’ebé atrativu.
Artcha
la-interven ba modelu orijin ne’ebé uza iha atividade kultura mais husu atu
tais ne’ebé distribui ba merkadu internasionál, importante mak ninia kualidade
no modelu modernu. ”Ida ne’e mak nu’udar esforsu ida ne’ebé durante ne’e
ko’alia ho feto maluk sira”, katak nia.
Nota
intendementu ne’ebé Artcha asina ho SEM asina atu oinsá inisia hanoin atu la’o
hamutuk hodi jere kestaun ne’ebé liga ho ekonomia feto.
Ko’alia
kona-ba ekonomia feto iha TL, buat barak ne’ebé presiza dezenvolve, kafé no
tais ne’e poténsia tebes atu sai baze ba ekonomia nasionál. Hirak ne’e presiza
duni treinamentu iha kapasitasaun nomos akompañamentu importante atu kontinua.
Artcha
la’ós hanesan mentór maibé hanesan fasilitatór tanba feto maluk sira iha
munisípiu hatene ona mais presiza enkoraja ho buat foun hodi hamosu diskusaun
para la’o hamutuk.
Artcha
hanesan instituisaun profisionál baze iha Indonézia, atividade iha área
konsultan mak turismu, dezenvolve ekonomia kreativu, dezenvolve ekonomia no
bisnis nomos treinamentu.(jornalista: Rita Almeida)
Foto:
Prezidenti Diretora PT. Artcha Indonézia, Anjar Budiani halo intervista ho
jornalista sira iha Kaikoli, Kinta, (15/9). Foto ANTIL/Rita Almeida
Sem comentários:
Enviar um comentário