Eleisaun Presidensial 2017, Alkatiri: Laiha Partidu Ida Atu Halakon Kandidatura Fretilin

DILI - Sekertairu Jeral partidu Fretilin Mari Alkatiri hateten, kuandu kuadrus no militante sira servisu hamutuk iha elisaun Presidensial 2017, laiha partidu ida maka atu halakon kandidatu Presidente husi partidu Fretilin.

Nia dehan, save importante atu atinji metas ida nee, maka tenke servisu hamutuk, tanba liu husi servisu hamutuk bele realiza Fretilin nia mehi.

Kuandu ita servisu hamutuk iha elisaun Presidensial tinan mai, la iha partidu ida ka kualker partidu maka atu  halakon kandidatu presidente husi partidu Fretilin nian,” dehan Sekjer Partidu Fretilin, Mari Alkatiri liu diskursu, iha ensaramentu kongresu Partidu Fretilin nian, iha CCD, Dominggu (09/10/2016).

Sekertariu Jeral partidu Fretilin Mari mos husu ba membru CCF neebe maka simu ona tomada de pose hodi tun ba baze atu esklares ba povu iha baze, hakbesik an ba povu, hodi esplika buat hirak nee ba povu, atu povu bele hatene.

Iha fatin hanesan Prezidente Partidu Fretilin Francisco Guterres Lu-Olo hateten, kongresu seidauk deside kandidatura ba Prezidente Republika iha elisaun 2017, sei hameno hela ba membru CCF neebe maka foin eleitu, iha tempu oin bele reuni para bele hare ida nee. Informasaun kompletu iha STL Jornal no STL Web, edisaun Tersa (11/10/2016). Carme Ximenes

Suara Timor Lorosae