Tribunal Sei Julga Kalbuadi Iha Loron 25 Fulan Nee

DILI – Tribunal Distrital Dili (TDD) sei halao julgamentu ba arguidu Fransisco Kalbuadi Lay no Jacinto Rigoberto de Deus iha loron 25 Outobru 2016, ba kazu krime obstrusaun ba liberdade atu hili neebe previstu iha artigu 236 kodigu penal TL.

Tuir offisial justisa neebe lakohi temi naran hatete, tuir orariu neebe mak tribunal marka ona katak iha loron (25/10/2016) tribunal sei halao julgamentu ba kazu krime obstrusaun ba liberdade atu hili neebe previstu iha artigu 236 neebe deskonfia komete husi arguidu Fransisco Kalbuadi Lay atual Ministru Turizmu Arte Kultura.

Tribunal manda ona karta notifikasaun ba iha Parlamentu Nasional (PN) atu halo suspensaun ba membru governu VI governu konstitusional nee. Kazu refere rejistu ho numeru prosesu 0026/16/PGGCC. Audensia nee sei preside husi Juiz Maria Solana Fernandes.

Antes nee Prezidente Komisaun G PN Agostinho Lay hatete, komisaun G halo ona audensia ho Ministru Fransisco Kalbuadi tuir notifikasaun neebe tribunal dirije ba Parlamentu Nasional atu halo suspensaun ba ministru nee. Informasaun kompletu iha STL Jornal no STL Web, edisaun Sesta (7/10/2016). Domingas Gomes

Suara Timor Lorosae