Primeiru Ministru (PM), Taur
Matan Ruak, promete, VIII Governu ne’ebé nia lidera sei la fo tan osan ba
Igreja sira iha Timor-Leste.
“Igreja Becora, Igreja Aimutin no
Igreja sira ne’ebé seidauk hotu. Kuandu Igreja sira ne’e hotu, ha’u nia Governu
sei la fó tan osan ba Igreja sira, tanba iha ona alokasaun osan verba ida ba
Igreja sira, entaun Igreja mak tenki rezolve nia problema, Governu sei la fó
tan husi kintu kantu, tanba ita fó ba Igreja Katólika, husi relijiaun
sira seluk iha Timor-Leste mós husu, tanba uluk ha’u sei Prezidenti Repúblika,
relijiaun sira seluk dehan, ami hatene Prezidenti Repúblika ne’e ema Katólika,
entaun relijiaun Katólika ne’e, simu osan kintu-kantu, ami la simu,”relata PM
Taur.
PM Taur esklarese, lia hirak ne’e
hodi responde preokupasaun deputadu proponente sira nian ne’ebé husu VIII
Governu atu fó apoiu ba organizasaun rejistensia sira.
Orsamentu ba Gabinete Primeiru
Ministru (GPM) ho montante millaun US$ 5.7, aprovadu iha Parlamentu Nasional,
liu husi diskusaun espesialidade Orsamentu Jerál Estadu (OJE) tinan 2018.
Entretantu iha nia intervensaun,
Primeiru Ministru (PM), Taur Matan Ruak, promete sei hapara apoiu ba Igreja
sira.
Orsamentu ba Gabinete Primeiru
Ministru, antes aprova deputadu sira husi bankada opozisaun, aprezenta proposta
adisionál, hodi husu ba Xefi Governu, atu aumenta tan osan ba gabinete apoia
sosiedade sivíl, hodi tau matan ba organizasaun rezisténsia sira, ne’ebé ezerse
tiha ona sira-nia papél iha prosesu rezisténsia.
Iha nia intervensaun, Primeiru
Ministru, Taur Matan Ruak, hateten, hanesan Xefi Governu, nia la apoiu ideia
deputadu sira nian kona-ba atu fó apoiu ba organizasaun rezistensia sira.
“Ha’u la apoia ideia deputadu
sira nian, kona ba oinsa atu bele tau matan ba organizasaun sira. Maibé atu hahú
halo ida ne’e, ha’u-nia hanoin, ajuda lai ami define polítika klaru ida, para
depois ema labele akuza ami dehan, ami favorese ba ida ne’e ka ida ne’eba,
ajuda lai ami define ida ne’e, orsamentu 2019 ita bele tau,” katak PM Taur.
Xefi bankada PD, António da
Conceição, hanesan proponente ida hateten, sira aprezenta proposta ne’e hodi
komunga polítika Governu nian atu envolve partisipasaun komunidade iha prosesu
dezenvolvimentu, liu-liu organizasaun rezistensia ezerse ona papel ne’ebé
determinante iha prosesu rezistensia nian hanesan, OJETIL, FITUN, RENETIL no
seluk tan.
Tanba ne’e, PD husu ba Primeiru
Minsitru atu nafatin halo konsiensializasaun atu organizasaun sira ne’e, bele
partisipa nafatin iha prosesu dezenvolvimentu.
“Ami aprezenta proposta ne’e hodi
husu ba Parlamentu no Governu atu bele tau osan millaun 1.500 ba Gabinete
Primeiru Ministru nian, liu husi apoiu sosiedade sivil, tanba organizasaun
rezistensia sira ne’e, sira-nia papel importante tebes ba prosesu
dezenvolvimentu,”katak António.
Alende ne’e, deputadu Antoninho
Bianco husi bankada FRETILIN aprezenta proposta ida hodi retira osan millaun
US$ 3.5 ne’ebé tau iha fundu rubrika, tanba iha Governu sira ne’ebé liu tiha
ona, la tau ona osan ba ida ne’e.
“Ha’u seidauk hetan informasaun
husi Governu, karik Governu bele justifika katak, osan millaun U$S 3.5 ne’e
distribuisaun feitu tiha ona atu halo saida, entaun ha’u bele konsidera. Ha’u
rona katak, osan ne’e atu dedika ba konstrusaun Igreja, entaun ha’u hakarak
hatene, Igreja ne’ebé mak atu hetan benefisiu ida ne’e,” katak Antoninho Bianco.
Maibé deputadu Aderito Hugo husi
bankada CNRT hateten, nia apoiu atu Governu fó apoiu ba organizasaun
rezistensia sira, tanba sira mós kontribui ba prosesu ukun-an nasaun ne’e nian,
maibé Governu tenki haree didiak, organizasaun sira ne’e, iha estatutu ka la’e,
hodi define didiak sira-nia aan iha tempu agora.
Diocese 3 hetan subvensaun
US$6.000.000
Iha Orsamentu Jeral Estadu (OJE)
tinan fiskal 2018 nian, Governu apoiu subvensaun ba Diocese 3 ho montante
US$6.000.000.
Orsamentu ne’e fahe espesifiku ba
Diocese Baucau ho valor US$2.000.000, Diocese Dili mos US$2.000.000 ho Diocese
Maliana US$2.000.000.
Tuir akordu ne’ebe VII Governu
halo ho Uma Kreda Katolika Timor nian nebé kontinua implementa iha VIII
Governu ne’e katak ,subvensaun nebé Uma Kreda hetan husi Orsamentu Estadu ne’e
atu apoia finansia Uma Kreda atu tau matan mos ba seitor edukasaun, halo
karidade (haree liu ba ema vulneravel no ki’ak sira) ho mos apoia
infra-estrutura Uma Kreda nian iha Diocese 3 ne’e nia laran.
Padre Julio Crispin nudar Klero
Diocese Baucau nian fo sasin katak, husi alokasaun orsamentu US$ 2.000.000 ba
Diocese Baucau harii ona eskola provizoriu rua (2) no kapela hat (4), ho
mos apoiu asuntus social balun hodi aloka mos osan balun ba departementu ou
komisaun sira ne’ebe estabelese iha Diocese laran.
“Aplikasaun ba subvensaun sira
ne’e tuir hela nia dalan no normais ka akordu nebé estabelese desde tinan 2016,” hateten Pe. Julio
Crispin hodi responde JNDiario iha Camara Eklesiastika Diocese Baucau nian iha
Dili, Segunda (3/9/2018).
Padre Julio Crispin esplika
katak, husi montante subvensaun ba Uma Kreda Katoliku Timor Leste fahe ba
kategoria sira mak hanesan 50% ba iha Edukasaun, 25% asuntus social, 15% ba
Camara (Governu) Eklesiastika no 10% ba jestaun administativa Diocese nian. Cós/Eus
GMN TV | Grupo Média Nacional
Sem comentários:
Enviar um comentário