DILI, (TATOLI) – Governu
da-ualu sei esforsu kontinua desentraliza podér hosi governu sentrál ba
munisípiu durante mandatu tinan lima.
Vise-Ministru Administrasaun
Estatál, Abílio José Caetano, dehan Governu da-neen desentraliza ona podér no
hili prezidente autoridade munisípiu Baukau, Bobonaru no Dili.
ʺImplementasaun
ho foku oitavu governu ne’e sei hala’o iha Likisa, Aileu no Ermeraʺ, hateten Vise-Ministru ba TATOLI iha uma
fukun Parlamentu Nasionál, ohin.
Tuir planu estratéjiku
dezenvolvimentu nasionál 2011 to’I 2030 tuir loloos iha 2015 estabelese ona
munisípiu tolu to’o lima, maibé seidauk akontese.
ʺTuir
polítika Governu ita sei konsentra ba munisípiu tolu ka haat durante
primeiru anu, depois ita bele estende munisípiu sira seluk ba tempu, nune’e
to’o tempu implementa munisipalidade liuhosi eleisaun munisipál ne’e munisípiu
hotu prontu ona simu podér lokálʺ,
akresenta.
Rekizitu lubuk presiza atu haree,
nia dehan hanesan lei podér lokál, lei eleisaun munisipál, lei
aprovizionamentu, lei finansa munisipál, rekursu umanu, infra-estutura bázika
ba asembleia munisipál, prezidente autoridade no estrutura.
ʺSe
ita atu impelementa polítika dezentralizasaun to’o munisipál, tenke iha lei
podér lokál ne’ebé veta hosi Prezidente Repúblika, lei eleisaun munisipál ne’e
importante, tanba lei ne’e iha maka ita bele halo eleisaun munisip’al, lei
aprovizionamentu, lei finansa munisipálʺ,
katak tan.
Munisípiu ida-idak mós tenke iha
ona reseita proprio bainhira implementa ona munisipál. Maibé governante realsa
entermus orsamentu governu sentrál bele responde nafatin.
Jornalista: Agapito dos Santos | Editora:
Rita Almeida
Imajen: Vise-Ministru Administrasaun
Estatál Abílio José Caetano. Imajen Egas Cristóvão
Sem comentários:
Enviar um comentário