Governu timoroan no parseiru internasionál sira analiza kooperasaun

Governu timoroan no parseiru internasionál sira analiza programa kooperasaun ne'ebé ajuda atu implementa prioridade ezekutivu ba tempu badak iha fin de semana ne'e liliu atu konsolida instituisaun sira nasaun nian.

Reuniaun Parseiru ba Dezenvolvimentu Timor-Leste nian (RPDTL) halao ba dahuluk iha mandatu Governu Konstitusional ba dala VI nian, ne'ebé hetan knaar iha 16 fevereiru, fó konñese hosi primeiru-ministru, objetivu hirak ne'ebé alkansa ona iha loron 100 nia laran.

Rui Maria de Araújo, anfitriaun ba prinsipál parseiru bilaterál no multilaterál Timor-Leste nian (inklui Portugal, Austrália, Japaun, Koreia Sul, UE no Banku Mundiál), destaka momentu estabilidade ne'ebé moris iha nasaun no aposta ba fortalesimentu infraestrutura no hadia servisu Estadu nian.

Nia dehan, hafoin hadia hotu Timor-Leste kontinua enfrenta "dezafiu barak", ho setór ida importante ba populasaun ne'ebé sei moris iha kondisaun prekária, kresente ida dezigualdade entre hirak ne'ebé hela iha Díli no iha distritu sira, no nesesidade premente hodi hadia "prestasaun servisu públika no kualidade ba obra públika no kualidade ba obras públika Governu nian".

Aleinde tema relasiona ho Timor-Leste, enkontru ne'e aborda mós aspeto relasionamentu ho CPLP no nasaun membru G7, ho intervensaun xefe diplomasia, Hernânio Coelho.

Nasaun g7+, iha nia parte, "hato'o ninia agradesimentu ba apoiu lideransa ba Timor-Leste ne'ebé fó ona ba grupu" iha reprezentante ida hosi Guiné-Bissau destaka apoiu importante timoroan nian ba realizasaun eleisaun iha Guiné-Bissau.

Enkontru hala'o iha Díli, ministru Planeamentu no Kooperasaun Internasional da Repúblika Sentru-Afrikana, Florense Limbio, elojia mós esforsu sira ne'ebé halo ba Timor-Leste iha ninia nasaun, liuliu hosi kedas vizita Xanana Gusmão foin lalais.

Iha enkontru nia rohan, Rui Araújo kongratula parseiru dezenvolvimentu sira mantein programa apoiu ba Timor-Leste, dezenvolve tuir prioridade nasionál nian.

"Timor-Leste halo progresu bo'ot hanesan nasaun. Ami orgullu tanba ami konsege. Ami kontinua hanesan Estadu frájil ne'ebé presiza konsolida ninia instituisaun sira no aumenta ninia rezilénsia. Ami labele sai nasaun ida estável, pasífika no prórperu bainhira ami la harii instituisaun sólida no responsável", nia afirma.

Rui Araújo aproveita hodi hafoun aposta ninia Governu hodi hadia asaun governativa, ho reforsu kualidade no kobertura ba servisu públiku no hadia komunikasaun interministerial, entre aspetu sira seluk.

La iha koordenasaun entre ita nia liña ministerial susar atu hetan rezultadu. Ezemplu, susar hadia rezultadu iha nível ensinu karik ita nia oan sira la han di'ak no la simu kuidadu saúde primáriu no apoiu famíliar ne'ebé sira presiza", nia refere.

ho Lusa - SAPO TL