TL VONTADE BOOT REZOLVE FRONTEIRA MARITIMA HO AUSTRÁLIA

DILI - Timor Leste iha Vontade boot atu rezolve Problema Fronteira Maritima ho Australia, tan nee Timor Leste aprezenta ona Proposta maibe Australia seidauk resposta Proposta nebe mak Timor Leste aprezenta hodi rezolve problema Fronteira.

Tuir Deputadu Bankada Fretilin Francisco Miranda Branco katak Timor Leste liu husi negosiador ho vontade atu rezolve problema Maritima, nebe tama ona Ajenda maibe parte Australia seidauk resposta Proposta nebe maka Timor Leste aprezenta.

Ita sempre hatudu duni ita nia vontade no hakarak atu rezolve Fronteira Maritima ho Australia maibe husi parte Australia la dun fo importansia maske nee ajenda importante ba Timor Leste,” dehan Branco ba STL, Segunda (08/06/2015) iha Uma Fukun Parlamentu Nasional.

Nia hatete VI Governu Konstitusional tau iha Ajenda ida mak atu rezolve fronteira maritima ho Australia, tamba Timor Leste iha Vontade boot teb-tebes hanesan Fronteira terestre nebe oras nee rezolve besik hotu ona.

Iha fatin hanesan Membru Komisaun B asuntu Seguransa, Defeza no Negosiu Estranjeiru Cesar Valente hatete oras nee informasaun aktual komisaun B seidauk iha, maibe ekipa nebe mak husi rezolusaun Parlamentu hari ho Ekipa Komisaun ida nebe mak negosia kontinua lao nafatin. Informasaun kompletu iha STL Jornal no STL Web, edisaun Tersa (9/6/2015). Timotio Gusmao

Suara Timor Lorosae