F-FDTL Fiar governu sei Tau Matan Dezmobilizadu

DILI - Lideransa Institusaun Falintil Forsa Defeza Timor Leste (F-FDTL) fiar Sestu governu konstitusional sei rona  Dezmobilizadu nain 26, husi forsa defaza hodi tau matan ba sira nia preokupasaun neebe oras nee sira hasoru.

Tuir Brigadeiro General, Filomeno Paixão de Jesus hafoin hasoru malu ho Prezidente Republika Taur Matan Ruak, iha palasiu Prezidensial Nicolao Lobato hatete Obrigasaun F-FDTL nian ba Dezmobilizadu sira kumpri hotu.

Husi parte militar Ami nia obrigasaun ami kompri hotu ona, prekupasaun ita nia veteranu sira nee governu mak sei tau matan, Ami fiar katak governu iha kapasidade atu tau matan ba Dezmobilizadu sira,” dehan Paixao ba Jornalista Kuarta (16/09/2015) iha Palasiu Prezidensial.

Nia hatete kona ba seguransa interna husi PNTL fiar katak veteranu sira neebe laiha ema ida mak hanoin Aat ba sira sira nia preokupasaun neebe mak iha, fiar oras nee governu simu ona  sira nia preokupasaun.

Nune mos Prezidente Komisaun F Parlamentu Nasional Asuntu Edukasaun, Saude no Veteranus Viegilio Hornai hatete Protesaun seguransa social ba ema sira neebe mak halao knar iha publiku nian, tantu forsa defeza nasional Timor Leste no PNTL nee iha sira nia estatutu rasik. Informasaun kompletu iha STL Jornal no STL Web, edisaun Kinta (17/9/2015). Timotio Gusmao

Suara Timor Lorosae