Hetan Pensaun Vitalisia, Tenki Asumi Knar Tinan 20

DILI - Sidadaun sira neebe mak atu hetan Pensaun Vitalisia tenki asumi knar hanesan membru governu no parlamentu durante tinan 20 ou asumi mandatu periode ba dala Haat, diak liu 2017 mai tenki hapara tamba povu barak sei moris kiak.

Tuir Eis Prezidente Republika Jose Ramos Horta katak atu redus Pensaun vitalisia kompetensia Parlamentu Nasional, nomos governu bele halo rekomendasaun maibe buat neebe mak fo tiha ona la bele hasai.

Parlamentu Bele halo Desizaun ida 2017 ba oin laiha tan pensaun vitalisia, kondisaun atu hetan pensaun vitalisia tenki iha mandate pelumenus periode hat signifika tinan 20 asumi knar iha parlamentu no governu mak bele hetan,” dehan Horta ba  Jornalista (16/09/2015) iha Palasaiu Prezidensial Nicolao Lobato, hafoin hasoru malu ho Prezidente Republika Taur Matan Ruak.

Nia hatete Pensaun vitalisia mos presiza tuir kriteira hanesan idade ezemplu tinan 40 deit seidauk too tinan ba reforma iha direitu ba pensaun vitalisia, maibe rai nia pensaun iha banku kuandu kompleta tinan 60 mak bele simu pensaun nee diak liu.

Iha fatin ketak Vise Presidente Parlamentu Nasional Adriano do Nascimento hatete Proposta husi FRETILIN ho CNRT mos atu hatama, maibee tinan ida ona mos sira seidauk hatama. Informasaun kompletu iha STL Jornal no STL Web, edisaun Kinta (17/9/2015). Timotio Gusmao

Suara Timor Lorosae