Iha
loron-tersa ne'e Indonézia destaka soldadu na'in 1.600 resin hodi kombate
hasoru inséndiu iha ai-laran no área agríkola sira nebe halo daudaun suar
maka'as iha rejiaun, halo ona Malázia taka eskola sira.
Prezidente
Joko Widodo haruka ona reforsu militár iha Sumatra hafoin deklara tiha estadu emerjénsia
iha provínsia Riau, iha loron-segunda ne'e.
Militár
millaun ida haruka ona ba Riau, no na'in 600 haruka ba provínsia Sumatra Súl,
hodi tulun autoridade lokál sira hodi kombate hasoru inséndiu, haktuir hosi
ajénsia indonéziu sira ba emerjénsia nian.
Tropa
sira sei hamutuk ho militár rihun ida resin nebe haruka ona iha semana liubá.
Inséndiu
sira, problema nebe akontese tinan-tinan iha sudeste aziátiku, aumenta beibeik
iha Indonézia iha semana rua ikus ne'e, halo suar maka'as ba nasaun viziñu
sira.
Inséndiu
sira ne'e balun mosu hosi sunu ilegál sira nebe halo hodi "hamoos"
área barak hodi halo produsaun mina nu'u nian, seluloze ho surat-tahan.
Hafoin
fó sai tiha reforsu hosi ekipa sira kombate ba inséndiu nian, Widodo haruka ona
atu foti "asaun legál maka'as hasoru responsável sira ba inséndiu
florestál sira".
Ema
atus resin no empreza 15 hetan ona investigasaun, haktuir hosi ajénsia ba
dezastre sira.
Ministériu
Edukasaun Malázia nian haruka ona iha loron-tersa ne'e atu taka eskola sira iha
Kuala Lumpur, estadu tolu nebe besik no iha kapitál administrativu Putrajaya,
nebe nivel poluisaun atmosfériku sira ladi'ak ba saúde.
ho
Lusa
Sem comentários:
Enviar um comentário