Ekonomia TL Iha Risku, Akara: “Tenke Halo Poupansa”

 

DILI – Sosiadade Sivil husu ba governu TL atu halo poupansa ba orsamentu estadu, tanba tuir sira nia hare Ekonomia TL nian oras nee iha risku nia laran.

Kestaun nee hatoo husi diretur Ezekutivu Luta Hamutuk, Mericio Akara ba STL iha nia servisu fatin Farol, Segunda (7/9/2015) katak kondisaun agora ekonomia TL iha risku, tamba krize ekonomia global relasiona ho folin mina.

Kondisaun agora nee obriga ita atu hare ba realidade liu-liu ita nia ulun bot sira tanba realidade ekonomia TL agora nee iha risku tanba krize ekonomia global relasiona ho folin mina hanesan mos ita nia nasaun vijinu Indonesia neebe mak iha kriji finanseiru ne bele fo impaktu mai ita tanba nee ita tenke koidadu no jere didiak ita nia rendimentu sira nee atu nunee labele fo impaktu negativu mai ita tanba nee poupansa nee tenke sai save,” hatete Akara.

Nia hatutan wainhira kondisaun ekonomia la dun diak maka governu tenke halo poupansa, wainhira foti osan hosi fundu minarai tenke foti tuir persija no labele liu hosi 3% atu nunee bele eduka governu TL labele gasta osan arbiru tuir ida-ida nia hakarak.

Iha fatin ketak tuir, Frederico Fernandes, mos hatete tuir nia hare durante nee governu gasta osan barak liu ba eventu sira, tanba nee ba oin hakarak ka lakohi tenke halo poupansa tanba mina folin iha mundu internasional mos komesa tun. Informasaun kompletu iha STL Jornal no STL Web, edisaun Kuarta (09/9/2015). Thomas Sanches

Suara Timor Lorosae