Lokaliza Fatin Prostitusaun, Daniel: “Ami Sei Kordena ho Parte Hotu”

DILI – Numeru moras HIV/SIDA oras nee kontinua aumenta ba bebeik nomos hamate ema lubuk ida ona, tanba nee dalan ida atu redus ou prevene moras HIV/SIDA mak lokaliza fatin prostitusaun atu nunee fasil kontrola.

Tuir Sekretariu Jeral Comisaun Nasional Combate Sida Timor Leste (CNCS – TL), Daniel Marcal, ba jornalista sira liu hosi pres konfres neebe mak halo iha edifisiu CNCS – TL Pantai Kelapa Tersa (8/09) katak CNCS – TL sei kordena ho parte hotu-hotu konaba asuntu ida nee.

Agora nee mosu opiniaun iha balu kontra no balu pro iha kontestu prevensaun moras HIV/SIDA tanba nee laos atu legaliza maibe ita koko tok atu kordena buat ida nee tanba ita duni no kaptura feto prostitusi nee sei la hapara sira nia aktividade I risku liu ba transmisaun ba moras HIV/SIDA tanba se lae ital abele kontra no ital abele hapara ida nee,” hatete Daniel Marcal.

Nia hatutan maioria feto lakohi atu servisu hanesan komersial an maibe iha balu tanba deit ekonomia ikus mai tenke servisu hanesan faan an no ida nee laos deit akontese iha TL, maibe iha mundu tomak tanba nee Comisuan Nasional Combate HIV/SIDA TL sei kordena ho parte hotu-hotu atu diskute asuntu ida nee.

Iha fatin ketak tuir, Duarte Bosco Pereira, neebe hanesan Akademiku iha ninia estudu fatin UNTL Kaikoli hatete, tuir nia hare lokaliza fatin prostitusaun nee mos diak importante mak tenke kordena ho parte hotu-hotu. Informasaun kompletu iha STL Jornal no STL Web, edisaun Kuarta (09/9/2015). Thomas Sanches

Suara Timor Lorosae