Polísia
Timor-Leste nian fó sai ona kartás ida ho imajen hosi suspeitu ida ne'ebé
pertense ba grupu radikál Estadu Islámiku (EI), ne'ebé autoridade sira hanoin
katak atravesa fronteira hahú hosi provínsia indonéziu iha Timór Osidentál.
Alerta
lansa tiha ona iha loron 15 Janeiru, loron ida hafoin atake sira iha kapitál
indonéziu ne'ebé halo ema na'in ualu mate no reivindika ona hosi militante sira
EI nian, refere katak suspeitu nia naran Fajar, fó sai iha loron-kuarta ne'e
iha portál austrálianu notísia nian News.com.au.
Avizu
ne'e bele refere ba Fajar Firdaus, ne'ebé hetan ona kondenasaun tinan haat ho
balun ba kadeia iha tinan 2010 tanba simu terorista ida ho naran Syaifudin
Jaelani ne'ebé rekruta ona bombista suisidu sira ba atake sira iha hotél sira
JW Marriott ho Ritz-Carlton, ne'ebé hamate ema na'in ualu iha tinan 2009.
Hafoin
atentadu sira, Syaifudin mate hamutuk ho terorista ne'ebé ema buka liu iha
Indonézia ho naran Noordin M Top.
Departamentu
Estadu norte-amerikanu nian fiar katak Timor-Leste laiha organizasaun terorista
ne'ebé harii iha nasaun ne'e, maibé nia fronteira terestre ho Timór Osidentál
hanesan fásil tebes hodi atravesa - maski nasaun ne'e la konsidera hanesan fatin
ideal hodi terorista sira bele subar.
SAPO
TL ho Lusa
Sem comentários:
Enviar um comentário