Partidu
Congresso Nacional de Reconstucção Timor-Leste (CNRT), deside hodi ‘tebe sai’
Partidu Demokratiku (PD) husi Bloku Koligasaun, tanba la obedese ona ba
prinsipiu koligasaun nian.
Tuir
karta komunikadu ne’ebe mak redasaun JN-Diáro asesu liu husi bankada CNRT,
Sabado (12/03/2016), hateten katak, Iha âmbito konsolidasaun Estado ho baze ba
Supremasia Estado de Direito hodi hametin Unidade, Estabilidade no
Dezenvolvimento Nasional, hahú husi tinan 2007, Partido Congresu Nasional
Rekonstrusaun Timor-Leste (CNRT) ho Partido Demokratiku (PD) iha saudozo
Fernando Lasama de Araújo, relasaun institusional entre partido rua la’o diak
tebes tuir principius ne’ebe hatur ona iha akordo atu estabelece Aliansa
Maioria Parlamentar (2007) ho Bloku da koligação (2012).
“Relaçāo
ne’e rasik haktuir principius ne’ebe estipuladu iha termus komprimisiu ne’ebe
vinkula ka kesi ita nudar Aliadus partidarius ka koligasaun atu hametin
unidade, pás ho estabilidade Governativa. Situasaun ne’e muda bainhira Saudoso
Lasama ne’ebe valoriza tebes ita nia komprimisiu, fila tiha ba Aman Maromak nia
kadunan Santo, Partido CNRT observa Mudança no lala’ok husi sira iha Bancada PD
iha Parlamento Nasional, Mudança ida ne’ebe la favorese komprimisiu ne’ebe
saudoso Lasama komunga no valoriza tebes no kaer-metin to’o nia husik hela
ita,” haktuir karta komunikadu ne’e.
komunikadu
ne’e haktuir tan katak, Partido CNRT mos akompanha deklarasoens repetitivas
husi Prezidente Interino Partido PD nudar mos membro Parlamento Nasional kona
ba programa Governo nian ne’ebe Partido Demokratiku rasik halo parte.
Partido
CNRT mos akompanha lala’ok Bankada PD durante debate ba Orsamentu Jeral Estado
(OJE) 2016 ne’ebe la defende espírito no interese ne’ebe kompromete hamutuk
ona.
Partido
CNRT mos akompanha reasaun ne’ebe Bankada PD hatudu liu husi deklarasaun
Prezidente Interino PD nian iha media kona ba mensagem de Estado ba Prezidente
Republika, Taur Matan Ruak.
Partido
CNRT mos konsiente ho pozisaun ne’ebe Bankada PD hola durante ne’e inklui
deklarasaun membru Bankada PD, deputado Virgílio Hornai ba exizensia Partido
CNRT nian relasaun ba mensagem Prezidente Republika nian ne’ebe atinzi
dignidade no sentimentu ba ema individu hanesan Prezidente Partido CNRT, Kay
Rala Xanana Gusmāo.
Hafoin
analiza tiha kestaun hotu-hotu inklui sira ne’ebe temi iha leten kona ba
postura foun ne’ebe orienta pozisaun Partido Demokratiku, Comissaun Polítika
Nasional (CPN), Partido CNRT nian hola konkluzaun katak la obedese ona
komprimisiu ne’ebe hatur iha âmbito Bloko nian.
Partido
CNRT mos observa katak Bankada PD iha Parlamento Nasional ne’ebe reprezenta PD
viola ona espírito koligasaun ne’ebe orienta ita nia lala’ok iha Governasaun
ida ne’e no hasés-an ona ka la halo parte ona husi parseiros ne’ebe hari’i tiha
ona desde tinan 2007.
Ho
liafuan seluk, Partido CNRT konsidera laiha ona apoiu ba interese nasional
nudar Bloku koligasaun nian desde tinan 2007 no hatutan iha tinan 2012.
situasaun ida ne’e labele existe iha postura polítika nasional kontemporanea,
li-liu bainhira ita hotu kompromete atu konsolida unidade nasional,
establilidade ita nia Nasaun nian hodi bele lori ita nia povo ba moris diak.
Tanba
ne’e laiha ona sentido atu mantein akordu ne’ebe uluk saudoso Lasama halo no
kompromete ho Partido CNRT, tanba lideransa foun PD ne’e viola rasik ona ka
deziste atu obedese.
Ho
ida ne’e nudar partido maioritário ne’ebe prezide koligasaun, hakarak informa
formalmente ba Nai Prezidente Interino Partido Demokratiku ho estrutura PD
tomak katak Partido CNRT la konta ona ho PD hanesan parseiro iha koligasaun atu
garante estabilidade Governativa, tantu iha Parlamento Nasional no mos iha
Governo, efetivamente husi loron, Sesta 11 Março 2016.
Entretantu,
bainhira JN-Diário tenta atu komfirma ho Prezidente Partidu Demokratiku,
Adriano do Nascimento, maibe laiha fatin. Nune’e liu husi telefone, Adriano do
Nascimento hateten katak, nia laiha komentariu, maibe rekoñese katak simu ona
karta husi partidu CNRT rasik.
“Ha’u
laiha komentariu, maibe ha’u rekoñese katak, ha’u simu ona karta ne’ebe CNRT
haruka mai ha’u iha loron Sesta lorokraik tuku 18:00 OTL. Kona ba karta nia
kontiudu ha’u laiha komentariu,”dehan Adriano via telefone iha loron Sabado
(12/03/2016). Mia
Jornal
Nacional
Sem comentários:
Enviar um comentário