Fundasaun
Alola hamutuk ho embaixada Estado Unidos America (EUA), Sabado (12/03/2016),
loke feira durante loron rua kona ba produtu lokal.
Objetivu
husi feira ne’e atu apoia grupu feto sira ne’ebe mak halo produtu local hodi
bele asesu ba merkadu, nune’e bele aumenta ekonomia familia uma laran.
Hafoin
halo lansamentu ba feira loron rua ne’e Jose Sabino Ximenes hanesan jerante
programa hakbit ekonomia fundasaun Alola hatete, feira ne’e atu ajuda inan
feton sira ne’ebe mak halo produtu loka hodi asesu ba merkadu, nune’e sira bele
hetan osan ituan husi sira nia produtu ne’ebe mak durante ne’e sira halo.
‘’Tanba ekonomia iha uma laran mak la to mos bele han malu, nune’e hamosu tan
violensia domestika, entaun ita loke feira ne’e hodi ajuda inan feton sira atu
fan sira nia produtu ne’e hodi hetan osan,’’dehan Jose jornalista sira, iha
Fundasaun Alola Maskarinhas Dili.
Nia
konsidera, ho feto sira bele aumenta ekonomia uma laran ne’e, sira bele halo
buat hotu, hanesan haruka oan ba eskola, hola hahan inklui sustenta familia
hodi apoiu sira nia kaben.
Nia
informa katak, tuir monitorizasaun Fundasaun Alola ba grupu feto sira ne’ebe
mak bain-bain tuir feira ne’e tinan ida kuaze pursente 15 to 20 I oras ne’e
dadaun grupu feto sira ne’ebe mak mai tuir feira ne’e mai husi municipiu 8 mak
hanesan Lospalos, Viqueque, Baucau, Suai Bobonaro, Liquisa Ainaro ho Manatuto.
Iha
fatin hanesan reprezentante embaxada EUA Katherine Duehlon hatete, iha feira
ne’e produtu barak mesak furak deit, tanba ne’e mak sira hamutuk ho Fundasaun
Alola hodi loke feira ne’e, nune’e inan feton sira nia produtu sira ne’e bele
asesu nafatin ba merkadu nune’emos motiva sira atu kontinua halo produtu sira
ne’e.
Ba
tinan ne’e, EUA la iha fundu apoiu ba Fundasaun Alola atu ajuda grupu feto
sira, maibe tinan oin mai dala ruma iha ona tanba ne’e nia husu ba feto sira labele
para halo sira nia produtu nafatin.nia
Jornal
Nacional
Sem comentários:
Enviar um comentário