SSMD PLANEIA ESTABELESE SS 2

Diretora Servisu Saude Munisipiu Dili (SSMD), Agunstinha Sequrado informa, tinan 2016, SSMD iha ona planu atu estabelese tan Sentru Saude (SS) iha Lahane Oriental ho Praia dos Coqueiros-eis Puskesmas Pantai Kelapa.

“Iha tinan kotuk ita atu loke tan Sentru Saude ida iha Aituri Laran ho ida iha Praia dos Coqueiros-eis Puskesmas Pantai Kelapa nian la konsege tanba problema rai, iha Aituri Laran momento ami la konsege estebelese tanba problema rai. Maibe iha tinan 2016 agora ami iha ona planu atu estabelese SS iha fatin rua ne’e atu fo atendementu ba ita nia komunidade sira tanba iha area rua ne’e numeru populasaun barak,”deklara Agostinha Sequrado ba Jornalista sira iha nia servisu fatin Bairo Formosa Dili Sesta (11/3/2016).

SSMD iha tinan 2016 tau ona orsamentu atu estabelse sentru saude (CHC) iha fatin rua ne’e, maibe Agostinha dehan, iha fatin rua ne’e sei iha problema konaba rai. Tanba ne’e nia husu ba parte kompetenti liu-liu Terras Propriedades atu fo rai iha fatin rua ne’e hodi estabelese SS nune’e fo atendimentu saude ba komunidade sira.car

Jornal Nacional