Rekuza
australianu hodi la ko'alia kona-bá fronteira ka aseita juridisaun hosi
Tribunal Lei Tasi nian hanesan "la respeita direitu internasional" no
Timor-Leste sei la husik hodi luta ba soberania, hatete hosi primeiru-ministru
timoroan iha loron-kinta ne'e.
"Hanesan
la respeita direitu internasional. La'ós hanesan kestaun ida hodi respeita ka
la'e Timor-Leste, maibé hanesan kestaun ida hanesan koerente no konsistente ho
direitu internasional", afirma ona hosi Rui Maria de Araújo iha
deklarasaun sira ba Lusa bainhira hakotu konferénsia internasional ida kona-bá
fronteira tasi nian.
Rui
Maria de Araújo fó hanoin katak Austrália "asina ona konvensaun hosi
ONU" kona-bá tasi, maski "antes hatama tiha rezerva sira" iha
mekanizmu sira rezolusaun disputa sira nian.
Maibé,
Timor-Leste "mantén firmi katak rekursu sira hosi parte disputa nian no
sira ne'ebé esplora daudaun pertense ba Timor-Leste bainhira aplika direitu
internasional".
"Ami
hanoin katak ne'e hanesan injustu maibé ami tenki sai hanesan realista no haree
katak, iha falta delimitasaun loos ida ba fronteira sira, buat ne'ebé sei akontese
maka kestaun fahe nian. Maibé tanba ne'e maka ami insisti iha delimitasaun
permanente ida ba fronteira sira", nia afirma.
"Estadu
sira hotu tenki respeita lei. Ami insisti atu ema tomak tenki respeita lei.
Tanba ne'e maka ami luta daudaun", nia hatutan.
Rui
Araújo afirma ona katak Timor-Leste mantén postura hanesan ne'ebé nia iha hahú
hosi tinan 1975, bainhira Indonézia tama iha nasaun ne'e no timoroan sira
insisti iha direitu ba autodeterminasaun iha termu sira hosi direitu
internasional.
"Ami
insisti durante tinan 24 no ami konsege saida maka garanti hosi direitu
internasional. No iha luta ba soberania tasi nian ami sei halo nafatin",
nia hatete.
SAPO TL ho
Lusa
Sem comentários:
Enviar um comentário