DILI,
(ANTIL) - Governu seidauk instala bombeirus iha munisípiu haat, tanba menus
rekursu umanu, Diretór DNPC-bombeirus, Candido F.P. Gusmão ba ANTIL iha nia
servisu fatin Kaikoli, Dili, Segunda, (5/9).
Munisípiu
sira ne’ebé sidauk halo instalasaun mak Manatuto, Liquica, Ermera no Ainaro.
Entertantu, munisípiu sira-ne’ebé iha ona bombeirus mak Dili, Lautem, Baucau,
Viqueque, Manufahi, Covalima, Bobonaro, Aileu no Rejiaun Autonomia Espesial
Oe-Cusse-Ambeno.
“Tuir
planu iha tinan 2016 to’o 2017 atu instala bombeirus iha munisípiu 12, maibé
sedauk konsege tanba menus rekursu umanu”, diretór dehan.
Maske
nune’e, diretór Candido F.P. Gusmão dehan, Primeiru Ministru fó ona lampu
hijau atu tau atensaun ba bombeirus iha revizaun
orsamentu atu prepara osan ba rekrutamentu pesoal bombeirus. Tuir planu,
kada estasaun bombairus iha munisipiu sira tenke iha pesoál na’in
22.
Alende
rekursu umnau, Diresaun Protesaun Sivíl sei hola kareta tolu hanesan Auto
Eskada Komanda (AEK), Auto Komandu (AK), no Auto Tanki Pasadu (ATP) ho totál
orsamentu $77 mill resin. (jornalista: Zezito Silva; editór: Otelio Ote)
Sem comentários:
Enviar um comentário