KAZU PNTL-F-FDTL LA’OS FRAKU IHA JESTAUN

Segundu komandante Jeral Polisia Nasional Timor Leste (PNTL), Komisariu Faustino da Costa afirma katak, kazu entre oknum PNTL ho oknum Falintil Forsa Defeza Timor Leste (F-FDTL) ne’ebe durante mosu, la’os tanba fraku iha jestaun uja armas hanesan pistola ho kilat.

“La’os jestaun uja armas mak fraku. Ha’u hanoin lei armas ne’e koalia momos, tantu regulamentu UNTAET numeru 05 / 2001. Lei organika PNTL rasik hatete, se deit mak uja armas membrus PNTL ne’ebe mak kualifikadu maibe durante oras servisu, fora servisu nia tenke hatama, karik kazu ne’ebe mosu iha oras servisu komandante mak tenke ba hatan prosesu, tanba sa membrus ne’e la servisu tenke lori armas,”afirma Faustino da Costa, ba Jornalista sira Segunda (05/09/2016) iha Kuartel Jeral PNTL, Caicoli- Dili.

Nia esplika liu tan katak, iha prosesu rua ne’ebe mak sei aplika alende prosesu displinar no mos prosesu Kriminal ba kazu sira ne’ebe mak oknum sira komete.

Maske publiku kestiona konaba atuasaun polisia nian sempre ho krimi, nia hatete polisia hotu iha juramentu ida deit defende ninia povu no rai doben Timor Leste ida ne’e, “PNTL hotu-hotu ne’e juramentu ne’e ida deit, jura hodi defende povu no rai doben ida ne’e,”hateten Faustino da Costa.

Nia klarifika katak, atitude balun ne’ebe mak halo la’os instituisaun ne’e pesoal rasik bolu mos nia komandante kazu ne’e mosu orientasaun komandante nian ka oknum ne’e rasik.

Nia fo ezemplu hanesan kazu Laulara oknum sira halo ninia komandante rasik lahatene ikus mai nia komandante mos hetan sansaun ida ne’e mak komando Polisia Nasional Timor Leste hala’o. Eus

Jornal Nacional