DILI,
(ANTIL) – Laureadu Nobel ba Dame 1996, José Manuel Ramos Horta husu atu
orsamentu jerál estadu, governu toma atensaun atu ko’a despeza hanesan viajem
no transporte tanba, ohin loron folin mina rai tun teb-tebes e mina matan Bayu
Undan mós besik atu maran.
“Governu
bele ko’a tiha despeza públikas no despeza barak tan mak bele ko’a pursentu 80
to’o pursentu 50 mós laiha impaktu ba vida nasionál hanesan despeza viajem ho
mina ba kareta estadu bar-barak”, Eis Prezidenti Repúblika José Ramos Horta ba
jornalista hafoin hasoru malu ho Konsellu Konsultivu Fundu Petroliferu iha
Parlamentu Nasionál, Tersa, foin lalais ne’e.
Tuir
Ramos Horta viajem ba membru governu, deputadu inklui funsionariu públiku
merese atu ko’a, nune’e mós hamenus gastu ba uza mina iha kareta estadu sira ne’ebé
rihun rahun sirkula iha Timor-Leste.
Razaun
ne’ebé Horta temi, folin mina iha mundiál tun no mina matan Bayu Undan mós
besik maran e Timor nia orsamentu dependénsia ba mina de’it, nune’e tenke poupa
bainhira folin mina tun.
Nune’e
nia sujere bainhira aloka orsamentu estadu tenke haree ba prioridade,
ministériu sira ne’ebé ladun mak prioridade nia orsamentu bele hamenus.
“Orsamentu
bele foku de’it ba edukasaun, saúde no agrikultura, maibé seitór tolu ne’e mos
tenki hadi’a, se-la’e tau osan mós sei la-garantia nia funsionamentu”, Ramos
Horta argumenta.(jornalista: Manuel Pinto; editora: Rita Almeida)
Foto:
Jose Manuel Ramos Horta.
Sem comentários:
Enviar um comentário