Diretor
Luta Hamutuk, Mericio Akara, husu ba Ministeriu Finansas (MF) atu lori media
sira ba halo observasaun direta edifisiu foun MF.
‘’Kuandu
hakarak iha transparansia tenki fo fatin ba media, sosiadade sivil inklui
instituisaun se deit mak atu ba halo monotorizasaun, liu-liu media sira
para hatene lolos saida mak akontse iha laran, se lae Governu promesa iha
publiku deit, maibe ita lahatene saida mak akontese iha ne’eba, ne’e ema
bele interpreta katak iha buat balun ne’ebe MF subar iha neba,’’ dehan
Akara ba JNDirio, Segunda (5/9/2016).
Mericio
Akara hatete, edifisiu ne’e rasik entrega xavi husi eis presidenti Indonesia
Susilo Bambang Yodhyono no Governu rasik promete dala hira ona dehan,
Agostu ne’e atu muda, maibe to’o agora la muda dehan fali projetu rua sei lao
hela no fasilidade seidauk kompletu, ida ne’e klaru bosok povu no halo ema
lakon fiar, ema hotu ba inagura tiha maibe ikus mai la uja, depois Governu la
autoriza ema atu ba halo observasaun ba edifisiu ne’e.
‘’Governu
la bele bosok publiku tun sae, edifisiu MF ne’e gasta osan bot no lori osan
Estadu mak halo, tan ne’e bainhira halo tiha seluk balun at fali konserteza
nasaun mak lakon fali, tanba gasta ona osan i saugate deit,’’ hateten Mericio
Akara.
Nia
mos konsidera, Governu la iha planu integradu lolos hodi halo edifisiu foun MF
ne’e, tanba tuir Akara konstruksaun edfisiu ida lolos tenki iha pakote
ida para konstruksaun fisiku hotu tama kedas ba interior no data base para
kuando inagura hotu uza los ona,laos hanesan iha Timor edifisiu bot, gasta osan
bot inagura mamuk deit to ikus la uja.
Mericio
Akara mos preokupa ho Ajensia Dezenvolvimentu Nasional (ADN) no Parlamentu
Nasional (PN) hanesan orgaun fiskalizador, maibe la ba halo fisklaizsaun
hodi hatene progresu lao to iha ne’ebe ona. Edifisu foun MF ne’e rasik Governu
hari iha loron 25 fulan Janeiru 2012 ho total orsamentu U$ 44.086. nia
Jornal
Nacional
Sem comentários:
Enviar um comentário